Duodje- ja digitálamuitalusat

Sámi allaskuvllas álgá čakčat 2017 oahppu Duodje- ja digitálamuitalusat, 15 oahppočuoggá. Oahppu lea oassin Interreg AIDA-prošeavttas (Arctic Indigenous Design Archives), masa Sámi allaskuvla, Ájtte musea ja Sámi arkiiva Anáris leat searvan.

Duodje- ja digitála muitalusat -oahpus studeanttat ohppet geavahit dávvirvuorkkáid ja eará vuorkkáid vuođđun iežaset duddjomis. Studeanttat ohppet, mo sáhttá sin duodji leat visuálalaččat geasuheaddji ja mo sin duojis lea beaktilis muitalus. Praktihkalaš duddjon ja hábmenoassi leat guovddážis, go galgá hárjehallat duddjot ja ráhkadit muitalusa.

Loga eambbo oahpu birra dáppe