Fágagoaðit

Sámi allaskuvllas leat golbma fágagoađi; Duodji, ealáhus ja luonddudieđagoahti, Gielladieđagoahti ja Servodatgoahti.
Goahti lea fágabargiid gulahallanorgána ja lea ráđđeaddi orgána jođihangoddái. Dan jođiha goahtejođiheaddji/dekána. Sámi allaskuvllas leat fágagoađi juhkkojuvvon fágasurggiid vuođul. Goahti árvala ja čađaha oahpuid ja dutkanprošeavttaid gođiid siskkobealde ja gođiid gaskka. 

Goahtejođiheaddjit ja studeantaáirasat leat mielde Dutkan ja oahppostivrras (DOS), mii lea Sámi allaskuvlla stivravuollásaš mearridanorgána.

Gielladieđagoahti

Gielladieđagoahtái gullet čuovvovaš giella ja girjjálašvuođa oahput;

  • Sámegiela álgokurssat ja lohkanbadjeoahppu (gealbuda beassat viidásabbot Sámi allaskuvlla oahpuide ja prográmmaide)
  • Sámegiela ja sámi girjjálašvuođa bachelor ja master
  • Giellaoahput; sámegiella, suomagiella ja dárogiella oahpaheaddjioahpuin
  • Giellagáhtten journalistaoahpus
  • Giella duodjeoahpuin
  • Sámegiella ja sámi girjjálašvuohta jahkeovttadat
  • Sámegiela ja sámi girjjálašvuođa doavttirgrádaprográmma (ohccon akkrediterejuvvot NOKUT:s)
  • Sámi musihkka ja juoiganoahppu

Manin lea dehálaš váldit dáid oahpuid?

  • Sámi servodat dárbbaša giellabargiid ja bargiid geat bures hálddašit sámegiela
  • Sámegiella sáhttá addit lassi bálkká ja karriearavejolašvuođaid
  • Sámi mánáidgárddit, skuvllat  ja mediaásahusat dárbbašit bargiid geain lea sámegielgelbbolašvuohta
  • Vejolašvuohta šaddat sámegiela ja/dahje girjjálašvuođa dutkin

DEL- Duodji, ealáhus ja luonddudieđagoahti

DEL goahtái  gullet čuovvovaš oahput; 

  • Duodji bachelor- ja masterprográmma
  • Oahpaheaddjioahput; VUO 1-7, VUO 5-10
  • Mánaidgárddeoahpaheaddjioahppu (MOA)
  • Praktihkalaš pedagogalaš oahppu, PPO (60 oč)
  • Pedagogihka mastergráda-  sámi oahpaheaddjioahput (ohccon akkrediterejuvvot NOKUT:s)

Manin lea dehálaš váldit dáid oahpuid?

  • Sámi servodat dárbbaša olbmuid geain lea alit oahppu duojis
  • Sámi mánáidgárddit ja skuvllat dárbbašit oahppan sámegielat oahpaheddjiid
  • Maiddái stuoraservodaga mánáidgárddiin ja skuvllain dárbbašit oahpaheddjiid geain lea gelbbolašvuohta sámegielas ja sámi kultuvrras
  • PPO addá vejolašvuođa bargat fágaoahpaheaddjin nuoraidskuvllain ja joatkkaskuvllain

Servodatdieđagoahti

Servodatdieđagoahtái gullet čuovvovaš oahput;

  • Journalistaoahpu bachelor ja masterprográmma
  • Boazodoallu bachelorprográmma
  • Eamiálbmot diehtu ja filosofiija
  • Sámi historjá 1 ja 2
  • Árbediehtooahppu
  • FORMI (Formidling av samisk samfunn og kultur)

Manin lea dehálaš váldit dáid oahpuid?

  • Sámi servodat dárbbaša oahppan sámegielat journalisttaid
  • Eamiálbmotservodagat dárbbašit masterdási oahppan journalisttaid
  • Boazodoallu ja servodat muđui dárbbaša olbmuid geain lea boazodoallogelbbolašvuohta alit dásis dihto fágasurggiid siskkobealde (jus, ekonomiija, ekologiija, hálddašeapmi jnv.)
  • Dat eará oahput goađis leat maid válljenfágan bacheloroahpuin