Friddja bachelor

It go leat sihkar makkár oahpu galggašit váldit? Álgge čoaggit oahppočuoggáid friddjabachelorgrádii!

Dieđátgo mii friddja bachelor lea ja movt dan olahat?
Friddja bachelor lea alitoahpu bachelorgráda (180 oahppočuoggá) maid sáhtát ieš válljet makkár oahpuid válddat goas ja váikko heivehit daid áiggi dáfus. Jus galggat olahit dakkár gráda, de leat eavttut maid fertet olahit.
Eavttut leat:

• Čađahan 180 oahppočuoggá, mas lea:
  
  • Unnimusat 90 oahppočuoggá ovtta fágasuorggis.
  • Unnimusat 30 oahppočuoggá nuppi fágasuorggis.
  • Unnimusat 10 oahppočuoggá iešheanalaš bargu.
  • 50 oahppočuoggá válljet friddja.

Eará eavttut mat gusket namuhuvvon čuoggáide, leat:

• Dus ferte progrešuvdna oahpuid ektui.
• Bachelordásis oahput.

Jus dus lea oahppu eará alitoahppoásahusas, de sáhtát daid ohcat heivehuvvot friddjabachelorgrádii min luhtte.

Movt ohcat friddjabachelora?

Friddjabachelor ii leat oahppu masa ozat. Don ozat oahpuide ja čađahat daid. Go leat gártadan 180 oahppočuoggá, de ozat gráda dohkkeheami mis. Sáhtát maid ohcat ja álgit dihto bachelorprográmmii, ja jus fuobmát ahte oahppu ii heive dutnje, de joatkát eará friddjabachelorain.

Dán čavčča sáhtát ovdamearkka dihte ohcat dáidda oahpuide ja álgit čoaggit oahppočuoggáid:

• BOA100 Boazodoallofága metoda; vuođđokursa
• DUO Duddjoma ja hábmema bargovuogit
• OKT Dieđalaš čállin ja guorahallan
• OKT Eamiálbmotfilosofiija
• SER Samisk kultur- og samfunnskunnskap 1
• SER Álgoálbmotdiehtu 1
• SER Árbediehtu / Tradisjonell kunnskap
• SÁM Davvisámegiela morfologiija ja cealkkaoahppa
• SÁM Davvisámi fonetihkka, fonologiija ja čállinvuogit
• SÁM Sámi girjjálašvuođa vuođđokursa
• SÁM Sámegiella ja sámi girjjálašvuohta 1

Váldde áinnas oktavuođa jus dárbbašat rávvagiid movt hukset friddjabachelora. Riŋges +47 78 44 84 00 dahje čále e-boasta postmottak@samiskhs.no