Girjerádjosa birra
Sámi allaskuvlla girjerájus lea áigeguovdilis ja ođđa girjerájus mii vuosttažettiin lea bálvalus min studeanttaide ja bargiide, ja girječoakkáldat lea huksejuvvon min fágaid ektui.
Mis lea čohkkejuvvon ollu sámi guoskevaš girjjálašvuohta, ja dáppe gávnnát maid ovtta sierračoakkáldaga masa leat čohkkejuvvon dovddus dutkiid Israel Ruong, Tor Frette, ja Knut Bergslanda girjevuorkkát.
Girjerádjosis leat 4 joavkolanja ja okta jaskes lohkanlatnja main oktiibuot leat 28 bargosaji. Lassin leat dáppe 5 bargosajit rabas lanjas. Joavkolanjaid lea vejolaš várret.
Mis leat 4 dihtora mat leat heivehuvvon ohcamii Oria.no girjediehtovuorkkás, ja okta máŋgenmašiidna sierra lanjas gos maid leat 2 bargosaji.
Lassin girjiide leat girjerádjosis ollu áigečállagat mat gusket min fágasurggiide, ja neahttasiiddus Idunn.no gávnnát eambbo áigečállagiid almmuhuvvon lágádusa Universitetsforlaget bokte.
Girjerádjosis leat 18 aviissat báberhámis, ja min studeanttain ja bargiin lea vejolaš ohccát dieđuid digitála aviissain Atekst Retriever reaidduin.
