BA - Sierra kursa
JOU Sámi servodatoahppu
- Oahpahusgiella: Davvisámegiella
- Oahpahusbáiki: Sámi allaskuvllas
- 5 oahppočuoggá
Sámi servodatoahpus studeantat ohppet árvvoštallat ja analyseret sámi servodahkii guoski diliid, ja oahpásmuvvet eará álgoálbmogiidda ja álgoálbmogiid sajádahkii riikkaidgaskasaš servodagas. Studeantat ohppet dovdet iešguđetlágan servodatlaš proseassaid Sámis, sihke báikkálaš, riikkadását ja miehta Sámi proseassaid giellasosiologalaš diliide.
Sisabeassangáibádusat
Sámi allaskuvlla vuođđooahpuid oppalaš sisaváldingáibádusat leat oppalaš lohkangelbbolašvuohta dahje reálagelbbolašvuohta ja sámegiella. Sámegiela gáibádusa sáhttá deavdit čuovvovaš vugiid mielde:
- Norgga joatkkaskuvllas sámegiella 1. dahje 2. giellan
- Suoma logahagas eatnigielladutkkus dahje guhkes amasgielladutkkus
- Ruoŧa bealde gymnasas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuogga).
- Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin, dahje ceavzit sámegiela giellageahččaleami maid Sámi allaskuvla lágida.
