Matematihka ovdakursa
Leatgo ohcan oahpaheaddjeohppui mas lea árvosátnegáibádus 4 matematihkas (224 diimmu) joatkkaskuvllas, muhto it govčča gáibádusa?
De sáhtát dieđihit matematihka ovdakursii ja kvalifiseret oahpaheaddjeohppui. Ovdakurssa birra gávnnat eambbo dieđuid dáppe: www.samordnaopptak.no/info/opptak/spesielle-opptakskrav/opptakskravet-til-laererutdanninger-2017/
Kurssa sáhtát dušše čađahit jus dus lea:
- gaskamearálašárvosátni gaskal 3,00-3,99 matematihkas (224 diimmu, 1p-2p) Norggas
- oanehis (kort) dahje dábálaš (allmänn) matematihkas árvosátni 6 Suomas
- gaskamearálašárvosátni 3,00 dahje buoret dárogielas ja sámegielas oktii (393 diimmu) Norggas
- árvosátni 6 dahje buoret ruoŧagielas ja sámegielas loahppaduođaštusas / Lukion päästotodistus dahje árvosátni Cum Laude Approbatur dahje buoret ruoŧagielas ja sámegielas oktii studenteksamenis / Ylioppilastutkintotodistus Suomas ja
- unnimusat 35 skuvlačuoggá
Namuhuvvon gáibádusaid fertet gokčat, jus galggat beassát čađahit loahpalaš geahččaleami 31.7.2017.
Dieđihanáigemearri matematihka ovdakursii lea 29.6.2017, dii.12.00. Dieđit oahppohálddahussii e-boasttain, studieadm@samiskhs.no. Mii dárbbašit diehtit du olles nama ja gos don áiggut čađahit ovdakurssa ja ovdakurssa geahččaleami. Sámi allaskuvla ovttasbargá UiT Norgga Árktalaš universitehtain ja min ohccit sáhttet čuovvut ovdakurssa neahta bokte. Kursa loahpahuvvo geahččalemiin 31.7.2017, ja geahččaleami sáhttá válditovdamearkkádihte Álttás. Sámi allaskuvla ii lágit geahččaleami.
Dáppe oainnát gos kurssat muđui lágiduvvot ja gos geahččaleami sáhtát váldit: https://www.samordnaopptak.no/info/opptak/spesielle-opptakskrav/opptakskravet-til-laererutdanninger-2017/
Kursii fertet vel dieđihit sierra. Dan dagat dákko: http://www.uit.no/ilp/forkurs.
Geahča áigeplána dáppe: Matematihka ovdakurssa áigeplána
Dáppe sáhtát nuvttá viežžat bargogirjjiid mat vástidit ovdakurssa lohkanmeari: http://matematikk.net/side/Hellerud
Ovdakurssain kvalifiseret dušše oahpaheaddjeoahpuide main lea matematihkas árvosátnegáibádus. Ovdakurssa boađus ii váikkut du skuvlačuoggáide, iige váikkut eará oahpuid sisaváldimii. Ovdakurssas oaččut juogo ceavzán dahje ii ceavzán árvosáni.
Ođastuvvon 22.6.17
