Latest news
- Sámi oahpaheaddji masteroahput besset álggahuvvot
- Duodje- ja digitálamuitalusat
- Ain vejolaš ohcat Sámi allaskuvlii
- Friddja bachelor
- Unnán kulturjournalisttat Sámis
- Šatta don ge sámi oahpaheaddjin
- Oahpahusat neahta bokte
- Rabas minisemináraš - Árbevirolaš máhttu areálahálddašeamis
- Álgge studeantan allaskuvlii
![Rammeplansutvalg Bilde av medlemmer av utvalg](http://samas.no/sites/samas.no/files/styles/hovedbilde/public/field/image/romssa_1.jpg?itok=DXmjTcBV)
Bargolávdegoddi lea dál evttohan Sámi vuođđoskuvlaoahpaheaddjeoahpuid rámmaplánii láhkaásahusa. Govas leat lávdegotti lahtut Laila Susanne Sara Oskarsson, Trond Are Anti, Pigga Keskitalo, Per Ravna, Asbjørn Kolberg. Govas maiddái mielde Sámedikki hálddahusbargi Heidi Salmi, ja Sámedikki ráđđelahttu Thomas Åhren.
miessemánu 02. beaivi 2016
Ođđa rámmaplánat Sámi vuođđoskuvlaoahpaheaddjeohppui
Sámi vuođđoskuvlaoahpaheaddjeoahpu rámmaplána láhkaásahusevttohusa lávdegoddi lea dál geargan bargguinis ja sádden árvalusa Oahpahusdepartementtii. Mandáhttan lei ráhkadit láhkaásahus árvalusa vuođđoskuvlaoahpaheaddjeoahpu 1.-7. ceahki ja 5.-10. ceahki masterdási oahpuide. Vuođđun bargui ledje dálaš Sámi oahpaheaddjioahpu rámmaplánat ja áraluvvon našunála rammaplánat vuođđoskuvlaoahpaheaddjeohppui mat leat juo leamaš gulaskuddamis.
Lávdegotti mihttun lei ráhkadit rámmaplánii láhkaásahusevttohusa sámi vuođđoskuvlaoahpaheaddjeoahpu viđajagi integrerejuvvon masteroahppun mas lea alla ammátlaškvalitehta, mas lea seamma dássi go našunála oahpuin ja mas lea vuolggasadji sámi oaidnin- ja oahpahusvugiin.
Lávdegotti lea jođihan Pigga Keskitalo. Lávdegottis leat leamaš muđui lahttun Laila Oskarsson, Per Ravna, Trond Are Anti, Asbjørn Kolberg, Hanna Outakoski ja Beatrice Fløystad. Oahpahusdepartemeanta bidjá árvalusaid gulaskuddamii.
Jus lea beroštupmi gullat áššis eanet de sáhttá váldit oktavuođa lávdegotti jođiheddjiin Pigga Keskitaloin tlf.: + 358 40 419 71 75.