![Team Guttorm/Kalak Bilde av Line Kalak og Gunvor Guttorm](http://samas.no/sites/default/files/styles/hovedbilde/public/kalak_ja_guttorm_sylvi_granaas_govven.jpg?itok=b20HRX7v)
Line Kalak & Gunvor Guttorm. Govven/Photo: Sylvi Granaas
miessemánu 19. beaivi 2015
Rektorteam Gunvor Guttorm ja Line Kalak leaba válljejuvvon
Rektorválgga jienat leat dál lohkkon. Rektorteam Gunvor Guttorm ja Line Kalak oaččuiga 68,97 % jienain ja leaba válljejuvvon.
Lihkku sudnuide!
- Sámi allaskuvlla bargit leat hui aktiivalaččat oassálastan válggaide. Válgaoassálastin lei birrasii 80%. Mun rámidan min bargiid nana beroštumi ovddas iežaset allaskuvlii, - lohká rektor Jelena Porsanger. – Lea vuosttas háve ahte Sámi allaskuvla lea válljen professora rektorin. Professor lea alimus akademalaš virgehas. Studeanttat leat maiddái čájehan beroštumi rektorválggaide. Dat lea illudahtti, danin go mu mielas studeanttat leat Sámi allaskuvlla geađgejuolgi.