back

Álgokursa sámegielas

SÁM Lullisámegiella praktihkalaš dilis - álgooahppu 2. oassi (Plassje/Røros)

  • Oahpahusgiella: Lullisámegiella
  • Oahpahusbáiki: Aajeges, Plassjes/Rørosas
  • 15 oahppočuoggá

Aajege Saemien giele- jih maahtoejarnege/ sámi giella - ja gelbbolašvuođaguovddáš lágida 15 oahppočuoggá lullisámegiela álgooahpu 2:ža intensiivaoahppun, ovttasráđiid Sámi allaskuvllain čakčalohkanbajis 2017.

Ulbmil:

Váldoulbmil lea ovddidit ja ovdánahttit vuođđogiellamáhtu buohkain geat háliidit oahppat lullisámegiela, ja ii leat gáibádus lullisámegiellamáhttui ovdalaččas. Studeanttat besset oahpahallat nu olu lullisámegiela ahte ohppet álkes ságastallamiidda searvat, ja maid lohkat álkes teavsttaid. Áŋgiris oassálastán lea eaktun oahppamii. 

Viidodat ja organiseren:

Sisabeassangáibádus lea SÁM Lullisámegiella praktihkalaš dilis- álgooahppu 1 dahje jus ohcciin lea eahpeformálalaš giellagelbbolašvuohta, de árvvoštallat reálagelbbolašvuođa vuođul ohcciid.

Oahppu addá 15 oahppočuoggá allaskuvladásis, ja lea vejolaš ohcat doarjaga Stáhta loatnakássas ja Sámedikki alit oahpu stipeandaortnegis. Loga eambbo dáppe.
Oahpahus čađahuvvo Sámi allaskuvlla dohkkehuvvon oahppoplána mielde.

Oahpahus lea oktiibuot 150 diimmu, ja maiddái seamma olu ieš lohkan. Oahppu lágiduvvo intensiivaoahppun Plassjes čakčat 2017. Oahpahus lágiduvvo 5 vahkkosaš áigodagas. Álgga lea golggotmánus ja oahput loahpahuvvot juovlamánu álggus. Oahpahusvahkuid lea oahpahus juohke árgabeaivvi.

Studeanttat fertejit máksit lohkanbadjedivada 400 ruvnno. Dasa lassin oassálastit fertejit ieža máksit oahppomateriálaid, mátkegoluid ja orruma/ biepmu.

 

Oahppu álggahuvvo eavttuin ahte leat unnimusat 6 studeanta geat váldet oahpposaji. Oahpposajiid juohkit dađistaga ohcciide. Oahpus leat 12 oahpposaji.

Jus leat beroštuvvon dán oahpus dahje háliidat eambbo dieđuid, váldde oktavuođa Toini Bergstrøm tlf. 90723513 dahje e-boastta toini.bergstrom@stfk.no

 

Geahča maiddai Aajege.no

 

Sisabeassangáibádusat

  • Studiet igangsettes under forutsetning av minimum 6 deltager som takker ja til studieplass. Studentopptak skjer etter «først til mølla- prinsippet» med inntil 12 studieplasser.
  •  Det er krav om forkunnskaper på nivå med «Sørsamisk i praktiske situasjoner – Introduksjon del 1» for opptak til studiet. Dersom du har uformell språkkompetanse tilsvarende dette nivået, kan du be om realkompetansevurdering for opptak til studiet.
Oza ohppui