SÁM Sámegiela ja sámi girjjálašvuođa jahkeovttadat

• Oahpahusgiella: Davvisámegiella
• Oahpahusbáiki: Sámi allaskuvllas
• 60 oahppočuoggá

Loga sámegiela 1 jagi. Oahppu sáhttá leat oassin eará grádain dahje lassioahppun. Jahkeovttadagas leat guokte oasi:

- Sámegiella ja sámi girjjálašvuohta 1, čakčalohkanbajis

- Sámegiella ja sámi girjjálašvuohta 2, giđđalohkanbajis

Sámegiella ja sámi girjjálašvuohta 1 (Raba sierra dás)

Oahpu addá vuođđodieđuid ja -dáidduid sámegielas ja sámi girjjálašvuođas. Don oahpat sámegiela teoriijavuođu ja fágaperspektiiva, mii viiddida áddejumi gielas ja iešguđetlágan teavsttain. Oahpus deattuhuvvo erenoamážit čálalaš ja njálmmálaš giellageavaheapmi. Oahppu juhkkojuvvo 3 fáddájovkui maid guđege sáhttá lohkat sierra:

SAM 102 Davvisámegiela morfologiija ja cealkkaoahppa, 10 oahppočuoggá.

SAM 106 Sámi girjjálašvuođa vuođđokursa, 10 oahppočuoggá.

SAM 108 Davvisámegiela fonetihkka, fonologiija  ja čállingiella, 10 oahppočuoggá.

Muhtun dáin kurssain lágidit maid geabbilis oahpahussan (kombinerejuvvon neahtta ja báikki alde kursan).

Sámidikkis lea maid buorre stipeandaortnet sidjiide geat váldet giellaoahpu. Ovdamearkka dihte addá dát oahppu vuođu oažžut  20 000 ru stipeandda lohkanbajis.

Sámegiella ja sámi girjjálašvuohta 2 - Álgá giđđalohkanbajis (Raba sierra)

Sámegiella 2 viiddida sámegillii guoski teoriijavuođu ja fágaperspektiivva, nu ahte čiekŋuda dieđuidis sihke gielas ja teavsttain. Oahpásnuvvá sierralágan gielladutkan- ja girjjálašvuođateoriijaide. Oahpus leat čieža váldooasi: giellaoahppa, suopmanat, gielladikšun, čáppagirjjálašvuohta, teakstaoahppa, gielladieđut ja historjá- ja servodatdieđut.

SAM 110 Sámegiella njálmmálaš ja čálalaš giellan, 10 oahppočuoggá.

SAM 104 Davvisámegiela cealkkaoahppa, 10 oahppočuoggá.

SAM 105 Sámi girjjálaš muitalanárbi ja dan oktavuohta teáhterii ja filbmii.

Muhtun dáin kurssain lágidit maid geabbilis oahpahussan (kombinerejuvvon neahtta ja báikki alde kursan).

Čiekŋudanvejolašvuođat

• Jahkeovttadaga maŋŋel sáhtát joatkit Sámegiela ja sámi girjjálašvuođa bacheloroahpuin ja dan maŋŋel joatkit sámegiela ja sámi girjjálašvuođa mastergrádaohppui.
• Jahkeovttadaga sáhtát maiddái oažžut dohkkehuvvot oassin eará oahpuide. Oahpu sáhtát maid čađahit lassi- dahje joatkkaoahppun.

Bargovejolašvuođat

Sámi servodagas dárbbašuvvojit olbmot geat máhttet sámegiela sihke njálmmálaččat ja čálalaččat.

Stipeandavejolašvuođat

Dan ohppui lea vejolaš ohcat doarjaga Sámedikkis. Eambbo dieđuid ja ohcanskovi gávnnat dappe.