BA - Jahkebealovttadat
SÁM Sámegiella ja sámi girjjálašvuohta 1
- Oahpahusgiella: Davvisámegiella
- Oahpahusbáiki: Sámi allaskuvllas ja neahta bokte
- 30 oahppočuoggá
- Deaivvadanplána 2017
Dát oahppu addá studeanttaide vuođđodieđuid ja dáidduid sámegielas ja sámi girjjálašvuođas. Sámegiela teoriijavuođđu ja fágaperspektiiva viiddida studeanttaid áddejumi gielas ja iešguđetlágán teavsttain. Oahpus deattuhuvvo erenoamážit čálalaš ja njálmmálaš giellageavaheapmi.
Oahppu juhkkojuvvo golmma fáddájovkui maid guđege sáhttá lohkat sierra.
1) davvisámegiela morfologiija ja cealkkaoahppa
2) sámi girjjálašvuođa vuođđokursa
3) davvisámi fonetihkka, fonologiija ja čállinvuogit
Oahpahus lea davvisámegillii.
Oahppu lea oassin sámegiella ja sámi girjjálašvuođa bacheloroahpus, muhto heive buot sámegiellaberošteddjiide ja dutnje gii áiggut bargat sámegielain.
Dan ohppui lea vejolaš ohcat doarjaga Sámedikkis. Eambbo dieđuid gávnnat dáppe.
Sisabeassangáibádusat
- Oppalaš lohkangelbbolašvuohta dahje reálagelbbolašvuohta ja sámegielmáhttu.
- Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje guhkes amasgielladutkkus ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul