SÁM400 Sámegiela ja sámi girjjálašvuođa doavttirgrádaoahppu
Prográmma addá gelbbolašvuođa sámegiela ja sámi girjjálašvuođa dieđalaš dutkamii ja bargguide mat gáibidit alimus dási áššedovdamuša dáin surggiin. Prográmmas oahpahusa ja dutkama váldogiellan lea sámegiella.
Ohcanáigemearri 01.06.2017
Deavdde ohcanskovi. Dát gávdno maid vuollelis dán siiddus.
Oahput bistet golbma jagi ollesáigge bargun. Oahpuid viidodat lea 180 oahppočuoggá, ja daid ráhkadus lea čuovvovaš:
Oktasaš oassi (20 oč):
- SÁM 400 Dieđateoriija (5 oč)
- SÁM 401 Etihkka, eamiálbmotdiehtu ja -metodologiija (10 oč)
- SÁM 402 Akademalaš čállin sámegillii (5 oč)
Váljakurssat (unnimustá 10 oč):
- SÁM 403 Sámegiela dutkama teorehtalaš ja geavatlaš perspektiivvat (10 oč)
- SÁM 404 Unnitálbmotgielaide guoski sosiolingvisttalaš teoriijat ja metodat (10 oč)
- SÁM 405 Sámi nammadutkan oassin eamiálbmotonomastihkas (10 oč)
- SÁM 406 Sámi girjjálašvuođadutkan oassin eamiálbmot- ja unnitlogugirjjálašvuođas (10 oč)
Dutkanoassi (150 oč)
- SÁM 407 Dutkanoassi (150 oč)
Oktavuođadieđut:
- Professor Vuokko Hirvonen, Vuokko.Hirvonen@samiskhs.no
- Professor Ánte Aikio, Ante.Aikio@samiskhs.no.
Sisabeassangáibádusat
Vai beasat sisa Sámi allaskuvlla doavttirgrádaprográmmii, dus galgá leat relevánta golmma jagi bacheloroahppu ja guovtti jagi masteroahppu, man gaskamearálaš árvosátnin lea unnimustá B, dahje vástideaddji oahppu, man prográmmastivrra lea dohkkehan.
Prográmmastivra sáhttá ásahit erenoamáš eavttuid ovdamearkan nu, ahte ohcci čađaha sierra kurssa ja/dahje geahččaleami ovdal go beassá sisa prográmmii.