Latest news
- Sámi oahpaheaddji masteroahput besset álggahuvvot
- Duodje- ja digitálamuitalusat
- Ain vejolaš ohcat Sámi allaskuvlii
- Friddja bachelor
- Unnán kulturjournalisttat Sámis
- Šatta don ge sámi oahpaheaddjin
- Oahpahusat neahta bokte
- Rabas minisemináraš - Árbevirolaš máhttu areálahálddašeamis
- Álgge studeantan allaskuvlii
![Anne Lise Varsi ja Inga Marianne Lango Bilde av Anne Lise Varsi og Inga Marianne Lango](http://samas.no/sites/samas.no/files/styles/hovedbilde/public/field/image/sa_jm2_2008_anne_lise_varsi_ja_inga_marianne_lango_1_oskal.jpg?itok=9HvPmybF)
Govvejuvvon “Juoigan ja muitaleapmi 2” eksamenis mii lágiduvvui Ijahis Ija festivalas, 2008.
Govven: Sara Margrethe Oskal
Sámi allaskuvla fas ealáskahttá juoigama
Liikot go lávlut, juoigat dahje čuojahit instrumeantta? De oza geassekursii mii lágiduvvo Riđđu Riđus ja Ijahis Ija festiválas!
Sámi Allaskuvla lágida boahtte geasi geassekursa “Sámi musihkas ja juoigamis”. Kursa addá lávlolasaide ja juoigalasaide, dahje čuojaheddjiide fálaldaga teorehtalaččat, praktihkalaččat ja dáiddalaččat ovdánahttit iežaset nuohtalašmáhtu. Sámimusihkka- ja juoiganoahppu addá vejolašvuođa viiddidit ja nannet sámimusihka– ja dahje juoiganmáhtu. Sámimusihkka- ja juoiganoahppu sisttisdoallá sámi musihka oahpásmuvvama ja hárjehallama.
Ealli árbevierru
Sámi Allaskuvlla dekána Mai Britt Utsi lea hui ilus go dál beassat loktet musihka ja juoigama fágan.
— Musihka ja juoigan leat ealli árbevierut mat movttáskahttet ja ealáskahttet olbmo. Oza don nai, dadjá Mai Britt Utsi.
Ohcan áigemearri lea 24.4.2015.
Deaivvadeamit lea Ohcejogas geassemánu 5-7 beaivvit, Riđđu Riđu festiválas suoidnemánu 7-9 beaivvit ja eksámen dollo Ijahis ija festiválas lávddis borgemánu 13-14 beaivvit.
Sámi musihka ja juoigan fága sisdoallu: (oahppoplánas vižžon)
Sámimusihkka- ja juoiganoahppu addá vejolašvuođa viiddidit ja nannet sámimusihka– ja dahje juoiganmáhtu. Sámimusihkka- ja juoiganoahppu sisttisdoallá sámi musihka oahpásmuvvama ja hárjehallama.
Oahpus iskat lahkonit luođi jietnahárjehusaiguin ja oahpásnuvvat iešguđetlágan juoigansuopmaniidda. Mo aiddo don juoiggat ja gávnnat luođi iežat siste? Movt sáhtát ovdánahttit juoiganjienat?
Árbevirolaš juoigan ii leat šat dán áigge áidna sámemusihkkavuohki, nu bat kurssas hárjehallat maiddái modearna sámemusihka 70-logus dán beaivái. Oahpásnuvvat musihkkára bargui lávddi alde ja lávddi duohkin. Maid iešalddes sámemusihkkár bargá, mo lea čuožžut gehččiid ovddas lávddi alde ja maid don musihkkárin barggat ovdal go leat dán rádjai ollen?
Fálaldat lea maid siddjiide geat čuojahit čuojanasa ja áigot lahkonit luođi.
Fálaldat lea siddjiide geain lea beroštupmi ovdánahttit iežas nuohtalaš attáldagaid, sihke teorehtalaččat, praktihkalaččat ja dáiddalaččat.
Studeantta galgá beassat iskat juoidá ođđasa, ja maiddá čiekŋudit dasa masa berošta.
Loga eambbo Sámi musihkka ja juoigan oahpposiiddus.
Lassi dieđuid addá:
Dekána Mai Britt Utsi, 78 44 84 68/ 909 14 783