Sámi ofelaččat
![Samiske veivisere 2015/2016 Bilde av de samiske veivisere for 2015 / 2016](http://samas.no/sites/samas.no/files/styles/hovedbilde/public/dsc09291_neahttasiiddus_0.jpg?itok=eAyKXuFC)
Sámi ofelaččat lea fálaldat, mas njeallje sámi nuora logaldallet sámiid birra. Ofelaččat johtet viidát deaivvadan dihte eará nuoraiguin ja sii fitnet skuvllain ja eará arenain gos leat nuorat. Dát fálaldat lea nuvttá.
Ofelaččat logaldallet vuosttažettiin joatkkaskuvllain miehtá Norgga, muhto sáhttet maid logaldallat eará skuvllain (nugo nuoraid- ja mánáidskuvllain) , oahpaheaddji studeanttaide ja doppe gos lea dárbu eanet dieđuide sámiid birra. Ofelaččat heivehit sin logaldallama guldaleddjiide/ohppiide, ja sis lea standárda logaldallan maid čađahit. Skuvllat sáhttet maid ieža sávvat temá man birra ofelaččat galget logaldallat, jus omd háliidit oahpat eambbo muhtin fáttáid birra nugo duodji, luohti jna. Sámi ofelaččat leat čađahan oahpu Sámi allaskuvllas ovdal go johtigohtet ja leat dáinna lágiin bures rahkkánan.
Jus háliidat eambbo dieđuid de áinnas váldde oktavuođa:
Eva Måsø
Ofelašdoaimma sadjásaš jođiheaddji
Tel. +47 78 44 85 26
dahje +47 78 44 84 00
Mob.+47 950 52 984
Snap: samiskveivisere