BA - Sierra kursa

SER Sámi historjá 1

Oahpahusgiella: Davvisámegiella
Oahpahusbáiki: Sámi allaskuvllas ja neahta bokte
15 oahppočuoggá
Ohcanáigemearri 08.09.16

Dovddatgo sámi historjjá?

Háliidat go oahppat eambbo sámi historjjá birra? Dát oahppu addá oahpu sámi historjjás, sámi ovddeš ja dálá ássanguovlluin, dan rájes go vuosttaš ássan bođii Sámi guvlui 11 000 jagi dás ovdal, gitta otná beaivái. Sámi ássama, kultuvrra ja ealáhusaid rievdamat leat guovddážis oahpus. Stádaid politihkka sápmelaččaid ektui 1700-loguin gitta otnážii deattuhuvvot.

Oahppu sáhttá heivet bachelorprográmmaide

Sámi historjá 1- oahppoplána

Filesize: 221 KB

Sámi historjá 1 lohkanbadjeplána čakča 2016

Filesize: 20 KB

Sisabeassangáibádusat

Dábálaš sisaváldingáibádusat alitoahpahussii. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga) dahje reálagelbbolašvuohta.
Lassin galgá sámegielmáhttu vuosttašgiellan joatkkaskuvllas dahje vástideaddji oahppu (omd. sámegiela lohkanbadjeoahppu). Studeanttas lea maid vejolašvuohta duođaštit iežas sámegiela lohkangelbbolašvuođa sierra sisaváldingeahččaleami bokte. Čujuhuvvo universitehtaid ja allaskuvllaid oktasaš sisaváldinnjuolggadusaide.