St.dieđ. nr. 11 (2004-2005)
Sámediggi lea ovddidan iežas jahkásaš jahkedieđáhusa departementii 2003’ doaimmaidis birra. Jahkedieđáhusas čilgejuvvo Sámedikki politihkalaš doaibma, dat barggut maid Sámediggi galgá hálddašit, ja ekonomalaš ja hálddahuslaš hástalusat.
Sámelága mielde galgá Sámedikki jahkedieđáhus sáddejuvvot Ráđđehussii ja ovddiduvvot Stuoradiggái juohke jagi, vrd. Justiisalávdegotti árvalusa sámelága mearrádusaid birra (O.nr. 79 (1986–87)). Dát dieđáhus ollašuhttá daid eavttuid.
Dáinna stuoradiggedieđáhusain vástida Ráđđehus daid gažaldagaid maid Sámediggi lea ovddidan 2003’ jahkádieđáhusastis. Jahkedieđáhusa áššiid čuovvoleapmi ja joatkin čilgejuvvo maiddái dás. Sámedikki jahkedieđáhus lea 3. kapihttal dán dieđáhusas. Ráđđehusa ja Sámedikki ovttasbargu čilgejuvvo sierra 2. kapihttalis, ja namuhuvvo maiddái iešguđet doaibmasurggiid čilgehusain.
Sámedikki 2003’ rehketdoallu (4. kap. Sámedikki jahkedieđáhusas), lea dán dieđáhusa mielddusin.
Dieđáhusas eai leat makkárge ođđa doaibmabijut mat mielddisbuvttáše ekonomalaš dahje hálddahuslaš váikkuhusaid. Iešguđet departemeanttaid dálá bušeahttarámmat gokčet čilgejuvvon doaimmaid.
Bargodepartemeanta, Einar Gerhardsens plass 3, Poastaboksa 8019 Dep, 0030 OsloTelefovdna: 22 24 90 90, E-poasta: Webdoaimmaheaddji: Guttorm Aanes, váldodoaimmaheaddji: Kristin Hetle
