St.dieđ. nr. 28 (2007-2008)
Bajimus stáhtalaš strategiija lea jávkadit erohusaid dearvvašvuođabálvalusas ja ahte olles álbmogis galget leat dearvvašvuođa- ja sosialbálvalusain seammadássásaš fálaldagat. Jus dien galgá olahit sámi álbmogii, de áigu Stáhta, dutkama bokte ja dan bokte ahte háhká buoret máhttovuođu suoh-kanlaš bálvalusa bargiide, ja dan bokte go eaiggádin stivre spesialista dearvvašvuođabálvalusaid leat fárus das ahte sámi álbmot livččii eambbo duhtavaš dearvvašvuođa- ja sosialbálvalusaide. Čuvvovaš doaibmabijut leat konkrehta gaskaoamit diekkár strategiijas:
Dearvvašvuođa- ja fuolahusdepartemeanta áigu ovttasráđiid Dearvvašvuođadirektoráhtain ja fylkkamánniiguin nannet neavva- ja bagadallanoasi suohkana ja fylkkasuohkana bálvalusaide go lea sáhka fálaldagas sámi álbmogii.
Dearvvašvuođa- ja fuolahusdepartemeanta áigu ovttas Sámedikkiin árvvoštallat movt sámi álbmoga várás dulkonbálvalus sáhttá šaddat buoret dearvvašvuođabálvalusas.
Oassin oasseplánas fuolahusplánii 2015 – De-meansaplána 2015 – «Buorre beaivi», de áigu Dearvvašvuođadirektoráhtta álggahit dutkan- ja ovdánahttinprošeavttaid iešguđet geavaheaddjijoavkkuide, ja das leat oassin sii geain lea demeansa ja geain lea sámi duogáš.
Buoridan dihte dikšunbohtosiid sámi buhcciide gárrendilleinstitušuvnnain, de áigu Dearvvaš-vuođa- ja fuolahusdepartemeanta ovttas Sámedikkiin ja sámi dearvvašvuođa- ja sosialfágalaš birrasiiguin ásahit dakkár fálaldaga mas sámi kultuvrralaš vásáhus lea fárus.
Dearvvašvuođadirektoráhtta áigu ráhkadit materiealla maid dearvvašvuođastašuvnnat ja skuvlla dearvvašvuođabálvalusat sáhttet atnit oassin buoridit bátnedearvvašvuođa sámi álbmogis.
Dearvvašvuođa- ja fuolahusdepartemeanta áigu ovttasráđiid Sámedikkiin čielggadit lagabui movt sáhttá ovttadássásaš dearvvašvuođa-bálvalusaid olahit julevsámi ja oarjelsámi guovlluin.
Dearvvašvuođa- ja fuolahusdepartemeanta áigu leat mielde ruhtadeame ovdánahttindoaimmaid ja maid ruhtadeame ásahusaid main lea sámi gelbbolašvuohta dearvvašvuođabálvalussuorggis. erenoamážit dakkár guovlluin gos sápmelaččat leat unnitlogus soaitá leat áigeguovdil čatnat doaimmaid sámi kulturguovddážiidda nu go ovdamearkka dihte Várdobáikái Evenáššái.
Dearvvašvuođa- ja fuolahusdepartemeanta áigu nannet sámi geavaheddjiid mieldedoaibmama stáhtalaš bálvalusain. Ovdamearkan dasa lea oassálastin dearvvašvuođafitnodagaid geavaheaddjiráđiide.
Dearvvašvuođa- ja fuolahusdepartemeanta áigu movttidahttit Sámi dearvvašvuođadutkama guovddáža ain eambbo dutkat áššiid mat gusket sápmelaččaid dearvvašvuhtii ja eallindillái.
Dearvvašvuođa- ja fuolahusdepartemeanta áigu ovttasráđiid Stáhta dearvvašvuođabearráige-ahčuin guorahallat man muddui bearráige-ahčču váldá vuhtii sámi álbmoga dearv-vašvuođaveahkkerievtti ja maid movt vuoigatvuohta dárbbašlaš dearvvašvuođa veahkkái doahttaluvvo.
Dearvvašvuođa- ja fuolahusdepartemeanta áigu oainnusin dahkat regiunála dearvvašvuođaásahusaid bargodokumeanttain dan ahte sámi buhcciid vuoigatvuođat ja dárbbut oažžut heivehuvvon bálvalusaid fertejit čohkkejuvvot ja oainnusin dahkkojuvvot plánemis, čielggademiin ja go mearrádusat dahkkojuvvojit.
Bargodepartemeanta, Einar Gerhardsens plass 3, Poastaboksa 8019 Dep, 0030 OsloTelefovdna: 22 24 90 90, E-poasta: Webdoaimmaheaddji: Guttorm Aanes, váldodoaimmaheaddji: Kristin Hetle