15.6.2 Viessoláigoruhtadeami viiddiduvvon
geavaheapmi
Sámi arkiivva ođđa
lanjat ruhtaduvvojit stáhta
viessoláigoortnega siskkobealde,
mas Arkiivadoaimmahat galgá máksit
viessoláiggu Statsbyggii
go lanjat váldojuvvojit
atnui. Departemeanta áigu dán
váldit vuhtii jahkásaš doaibmajuolludemiin
Arkiivadoaimmahahkii. Riikalávddi
lanjaid ruhtada priváhta
huksejeaddji ja departemeanta áigu jahkásaš doaibmadoarjagiin
Riikalávdái
gokčat viessoláiggu dan
rájes go lanjat váldojuvvojit
atnui.
Ráđđehus
evttoha ahte váldonjuolggadussan
váldojuvvojit atnui dakkár
viessoláigoortnegat ođđa
kulturviesuid stáhtalaš ruhtadeapmái
maid Sámediggi vuoruha, ja
ahte Sámediggi oažžu ovddasvástádusa
vuoruhit guovdilis huksenprošeavttaid
gaskkas. Evttohus guoská buot
ođđa
huksenprošeavttaide maid
Sámediggi mearrida. Jus
Sámediggi iežas
ođđa
vuoruheamis ii sáhte ruhtadit
ollásit viessoláiggu
ja doaibmagoluid rievdatkeahtes bušeahttarámmaid
siskkobealde, ferte Sámediggi
váldit ovdan gažaldaga Kultur-
ja girkodepartemeanttain lassedoarjaga birra viessoláiggu
ja lassánan doaibmagoluid
oasseruhtadeapmái. Ovdalgo Sámediggi álggaha
ođđa prošeavttaid
mat gáibidit lasi stáhtadoarjaga,
fertejit juohke prošeavtta
sisdoalu, viidodaga ja ekonomiija rámmat
ja boahtteáiggi viessoláigu
ja doaibma čielggaduvvot
Kultur- ja girkodepartemeanttain. Vejolaš lassánan
doarjja ferte juolluduvvot jahkásaš doaibmajuolludemiid siskkobealde
mat bohtet stáhtabušeahta kapihttalis
320 poasttas 53 Sámi kulturulbmilat.
Kultur- ja girkodepartemeanta áigi
bovdet Sámedikki konsultašuvnnaide
ovdalgo viessoláigoortnet
vejolaččat
biddjojuvvo doibmii.
Dán ortnega ovdamunni
lea ahte ásahuvvo dakkár
ortnet mii fuolaha daid goluid ruhtadeami maid viesuid hálddašeapmi,
doaibma ja ortnegisdoallan dagahit. Almmolaš hálddašeami máŋgga
suorggis oaidná olmmoš dan
ahte doaimmahusat mat eaiggáduššet
iežaset viesuid ja main
lea eará váldoulbmil,
illá vuoruhit ulmmálaš árvoseailluheaddji
ortnegisdoallama ja baicce geavahit resurssaid doaimmahusaid váldoulbmilii. Stáhtahálddašeami
siskkobealde lea dábálaš ahte
lea organisatuvrralaš erohus
viesuid eaiggádiid, hálddašeddjiid
ja geavaheddjiid gaskkas. Geavaheaddjit mákset
viessoláiggu opmodathálddaseaddjiide,
geain lea ovddasvástádus
geavahit dáid ruđaid
earret eará árvobisuheaddji ortnegisdoallamii.
Dát veahkeha čielggasmahttit
bargamušaid, ovddasvástádusa
ja eará rámmaeavttuid
opmodathálddašeaddjiide.
Boksa 15.1 Stáda
viessoláigoortnet
Stáda viessoláigoortnet
mielddisbuktá ahte stáhtalaš doaimmat
main leat lanjat stáhtalaš visttiin,
maid Statsbygg eaiggáduššá,
galget máksit viessoláiggu.
Iešguđet
departemeanta lea ožžon
válddi ráhkadit láigošiehtadusaid,
muhto sáhttá maid
fápmudit dán
válddi viidáseappot
vuollásaš doaimmaide.
Ortnet váldojuvvui atnui
dađistaga ođđajagimánu
1. b. 1992 rájes. Váldooassi
láigodilálašvuođain
bođii fápmui
ođđajagimánu
1. b. 1993:s. Ortnet lea maŋŋil
viiddiduvvon máŋgii
go ođđa
visttit leat váldojuvvon fárrui.
Viessoláigui gullet hálddašeami,
jođiheami ja ortnegisdoallama
golut ja kapitálagolut.
Kapitálaelemeanta atná vuođđun
opmodagaid balánsačálihuvvon árvvu.
Láigu dain opmodagain
maid Statsbygg hálddaša
galget gokčat iežaset goluid.
Dehálaš elemeanta
ođđa
vistti viessoláiggu mearrideapmái
leat prošeavtta loahppagolut.
Statsbygg geavaha láigošiehtadusaid
mat čuvvot daid prinsihpaid
mat opmodatsuorggis dábálaččat
leat. Geavaheddjiid hálddus
doaibmagolut (oktasašgolut)
leat sirrejuvvon viessoláiggus ja
láigoheaddji šaddá daid máksit
duohta geavaheami mielde. Geavaheaddji hálddus
goluide gullet earret eará suohkanlaš divadat.
Viessoláigoortnega investeremat
biddjojuvvojit brutton stáhtabušeahtas
ja árvun čállojuvvojit
Statsbygga balánsii/kapitálarehketdollui.
Investerejuvvon kapitálas
gáibiduvvo vuoitu. Juohke
dábálaš huksenprošeakta
biddjojuvvo Stuoradikki ovdii oktan gollorámmaevttohusain
ja ruhtajuolludemiin vai sáhttá álggahit
huksenprošeavtta.
Go láigoheaddji nagoda
gokčat viessoláigogoluid
rievdatkeahttá bušeahttarámma
siskkobealde, de Statsbyggas lea fápmudus álggahit
nu gohčoduvvon dábálaš prošeavttaid.
Prošeavttat ruhtaduvvojit
viessoláigoortnega iežas
investerenpoasttaid siskkobealde ja earret dán
jagi ruhtajuolludeami galget ođđa
juolludeamit ja boares ovddasvástádusat
bissut 1,5 miljárdda ruvnno
rámma siskkobealde. Stuoradiggi
ii meannut juohke prošeavtta sierra.