Boksa 15.4 Dáiddár
Iver Jåks
Iver Jåks (1932 – 2007) barggai sárgun,
njuohttin, dáiddaduojárin
ja bázzedahkkin ja deattuhii váldit
vára sámi duogážis
ja árbevieruin.
Jåksas ledje ollu govvahábmen-
ja čiŋahanbarggut.
Son hábmii silbbaid Finnmárkku
bunádii, hábmii
girkotekstiillaid, ráhkadii betoŋgarelieffa
ja monumentála bácci
muoras ja son hábmii maid govaid
moanat girjjiide. Son barggai muorain, čorvviin,
dávttiin, náhkiin,
akvareallain, grafihkain, koalla- ja tuššasárgumiiguin,
ja sus lei máŋggabealát
buvttadeapmi, ja son doalai eambbo go 30 sierra čájáhusa
olles Davvi guovllus. Nasjonalgalleriijii maid lea oastán
Jåksa dáidaga.
Iver Jåks oaččui
Kulturdepartemeantta govvadahkanbálkkašumi 1977:s
ja lei stáhtastipeandiáhta
1988 rájes. 1992:s oaččui
son Norgga kulturráđi
gudnebálkkašumi.
2002:s son nammaduvvui 1. luohká Riddarin
St. Olav Ortnegis. Son oaččui
maid gudnebálkkašumi
Polarsirkelfestiválas, Norgga
Sámiid Riikkasearvvis ja
Sámeráđis.
Lea ráhkaduvvon čielggadeapmi
maid Kultur- ja girkodepartemeanta lea bivdán ráhkadit
ja dat lea árbevirolaš giehtaduoji
birra gehččojuvvon
kulturpolitihkalaččat,
oahpahuspolitihkalaččat,
biraspolitihkalaččat ja
ealáhuspolitihkalaččat. Čielggadeapmi
geigejuvvui departementii 2007 skábmamánu.
Dan oasis raporttas mas čuožžu
dán suorggi hástalusaid
birra ja mas ávžžuhit álggahit
doaibmabijuid, leat fárus
sámi giehtaduodjeárbevierut
seamma ládje go dat hástalusat
mat leat Norgga eará giehtaduodjeárbevieruin
maid.
