21.5.6 Strategiijat ja doaibmabijut
Ráđđehus
lea várren 6,5 milj. ruvnno
jahkái 2008 álggahit árvoháhkanprográmma
lotnolasealáhusaide.
Váldomihttomearrin lea ovddidit
birgejeaddji doaimmaid ja leat veahkkin ceavzilis ovdánahttimis
sámi servodagain. Prográmma
ferte geahččat
moanaid eará prográmmaid
ja vuoruhemiid oktavuođas
mat leat ealáhusovdánahttimis
ja mátkeealáhusas.
Boksa 21.5 Lotnolasealáhusaid geavaheaddjiid
iskkadeapmi
Sámi guovlluin leat máŋggas
geahččalan
boahtogáldun ja ealáhusláhkin bargat
lotnolasat gaskal vuođđoealáhusdoaimma
ja turismma. Moanat hástalusat
leat dákkár
lotnolasheivehemiid oktavuođas.
Máŋggalágan
sivat sáhttet leat dasa
go buohkat eai lihkostuva. Dat sáhttet
leat kursema dahje oahpu váili,
váilevaš čuovvoleapmi
dahje fierpmádat, giellaváttisvuođat,
heajos infrastruktuvra, váttis ávdnasiid
ja náláštuhttima
meannudit, heajos márkkanfievrridanstrategiija, heajos
gulahallamat gaskal doaimmaheaddjiid ja almmolaš «doarjjaleaddjiid» jna.,
dahje lea váttis heivehit mátkeealáhusa
gáibádusa ealáhusaid
bargosyklusaide.
Bargo- ja searvadahttindepartemeanta lea 2007:s álggahahttán
geavaheaddjiiskkadeami mainna áiggošii gávnnahit
gokko gahkká ja gokko lihkostuvvet
ealáhusdoallit guđet sámi
guovlluin lotnolasat doaimmahit vuođđoealáhusdoaimma
ja turismma. áiggan lea
leamaš čohkket
oaiviliid ja evttohit doaibmabijuid dáid
lotnolasealáhusaid ovddideapmái,
ja buoridit dán ealáhusdoallejoavkku
dili.
Prográmma sisdoallu ja
ordnen lea leamaš fáddán ráđđádallamiidda
Sámedikkiin. Sámediggi
doaimmaha prográmma. Dárkilat
prográmmaválddahallama hábme
Sámediggi ovttas eará ásahusaiguin
ja etáhtaiguin.
Ráđđehus
dáhttu dáid áŋgiruššamiid
oktavuođas digaštallat
Sámedikkiin guđe
strategiijat galget leat sámi
guovlluid meahcceealáhusaid ovdánahttimii
ja mo buoridit rámmaeavttuid
duodjeealáhussii,
ee. go áigu fidnet ođđa
duojáriid.
árbevirolaš duoji čielggadeamis maid
Kultur- ja girkodepartemeanta lea ožžon,
leat doaibmabijut maid guhkit áigái
berre geahččat
daid dárbbuid ektui mat
duodjeealáhusas leat. Čielggadeapmi
lea gulaskuddamis geassemánu
2008 rádjai.