Stuorradiggeválga

Stuorradiggeválgga ja sámediggeválgga válgabeaivi lea čakčamánu 14. beaivi 2009. 205 gielddas dahje suohkanis lea válga sotnabeaivvi čakčamánu 13 beaivvi ge. Geahča daid gielddaid dahje suohkaniid visogovalaš logahallama main válga dollojuvvo ovtta beaivvi ja main válga bistá guokte beaivvi.

Stemmerett og manntall

Jienastanvuoigatvuohta ja jienastuslohku

Dus ferte leat jienastanvuoigatvuohta ja don fertet leat girjejuvvon jienastuslohkui jus galggat beassat jienastit.

Legitimasjon

Legitimašuvdna

Válgaláhka gáibida ahte juohke jienasteaddji guhte lea vieris jienastagaid vuostáiváldái, galgá duođaštit gii son lea. Danne berret legitimašuvnna váldit mielde go áiggut jienastit, ii leat doarvái muitalit iežat nama ja riegádanbeaivvi.

Valgkort

Válgakoarta

Buot jienasteaddjiide sáddejuvvo válgakoarta poasttas. Válgakoarttas čuožžu goas jienastanáigi lea ja man válgalanjas don galggat jienastit válgabeaivvi. Don it dárbbaš válgakoartta, muhto don sáhtát johtileappot jienastit ja seastit áiggi go dus lea válgakoarta mielde.

Hvor kan du stemme?

Gos beasat jienastit?

Válgabeaivvi don sáhtát jienastit dan gielddas dahje suohkanis man jienastuslohkui don ledjet čálihuvvon, dat mearkkaša dan gieldda álbmotregistarii don ledjet girjejuvvon ássin geassemánu 30. beaivvi 2009. Jus áiggut ovddalgihtii jienastit, don sáhtát dan dahkat man ihkinas gielddas dahje suohkanis don ieš háliidat áigodagas 10.8.09-11.9.09.

Slik stemmer du på valgdagen

Ná don jienastat válgabeaivvi

Válgabeaivi lea vuosárga čakčamánu 14. beaivi. Juohke suohkanstivra sáhttá mearridit ahte gielddas dahje suohkanis galgá dollojuvvot válga sotnabeaivvi čakčamánu 13. beaivvi ge. Válgabeaivvi čakčamánu 14. beaivvi (ja čakčamánu 13. beaivvi dain gielddain dahje suohkaniin main válga bistá guokte beaivvi) don fertet jienastit dan gielddas man gieldda ássin don ledjet čálihuvvon álbmotregistarii/jienastuslohkui geassemánu 30. beaivvi. Muitte legitimašuvnna váldit mielde!

Slik forhåndsstemmer du

Ná don jienastat ovddalgihtii

Dábálaš áigodat ovddalgihtii jienastit álgá borgemánu 10. beaivvi ja bistá čakčamánu 11. beaivvi lohppii. Don sáhtát ovddalgihtii jienastit man fal gielddas dahje suohkanis miehtá riikka. Muitte legitimašuvnna váldit mielde!

Slik kan du endre på stemmeseddelen

Ná don sáhtát rievdadit jienastanlihpu

Jienastanlihppu mearrida man bellodahkii don attán iežat jienastaga. Jus don háliidat váikkuhit dasa geat eavttohasaid du bellodagas válljejuvvojit, don fertet dahkat rievdadusaid jienastanlihpus.

Válgaloahpparehkenastin: geat válljejuvvojit

Gávnnahan dihtii geat válljejuvvojit Stuorradiggeáirrasin, čađahuvvo válgaloahpparehkenastin guovtti vuorus. Vuos ferte iskojuvvot galle mandáhta bellodat dahje joavku oažžu (mandáhtajuogadeapmi). Dasto gávnnahit daid eavttohasaid geat galget válljejuvvot guđege listtas (eavttohasválljen).

Válga