Doarjjaortnet govdabáddái ásahuvvon

Ođasmahttindepartemeanta lea ásahan gaskaboddosaš doarjjaortnega govdabáddehuksemiidda. Ortnet galgá movttiidahttit huksemiidda ii kommersiála gánnáhahtti guovlluin. Ulbmil lea sihkkarastit eambbo báikedoaluide interneahtta oktavuođa. Doarjjaortnega rámma lea 15 miljovnna ruvnno. Ohcanáigemearri lea guovvamánu 15.b.2012.

- Ráđđehusa mihttomearri lea ahte ássit galget oažžut govdabátti. Dát doarjjaortnet veaháš deavdá loahppa váilliid govdabáddegokčama dáfus. Mun sávan mii oažžut ollu ja buriid ohcamiid, dadjá ođasmahttinministtar Rigmor Aasrud.

Ruđat leat almmuhuvvon prošeaktaruhtan Norgga dutkanráđi olis. Buot suohkanat ja fylkkagielddat riikkas sáhttet ohcat. Sáhttá ohcat gitta 60 proseantta huksenprošeavtta ollislašgoluin. 

Raporta Govdabáddegokčan 2011 čájeha ahte sullii 7000 báikedoalus dál váilu vuđolaš govdabáddefálaldat (0,64 Mbit/s báddeviidodat). 99,7 proseanttas lea dál vuđolaš govdabáddefálaldat, 94 proseanttas gávdno unnimus  4 Mbit/s, ja 67 proseanttas ges gávdno unnimus 25 Mbit/s báddeviidodat. Raportta lea Nexia ráhkadan Ođasmahttin-, hálddahus- ja girkodepartemeantta (FAD)ovddas.

Almmuheami ja ohcaneavttuid gávdná Dutkanráđi neahttabáikkis. 

Oktavuođaolmmoš Dutkanráđis lea: Vemund Riiser, tlf: 9288654, vri@forskningsradet.no