Doarjjaortnet mii galgá lasihit dieđuid válggaid birra

Organisašuvnnat ja eará doaibmit geat háliidit lassánahttit dieđuid válggaid birra ja/dahje oaččohit eanebuid jienastit gielddastivra- ja fylkkadiggeválggain jagi 2011, sáhttet ovdal čakčamánu 20. beaivvi ohcat doarjaga departemeanttas.  

- Mii háliidit lassánahttit beroštumi sihke sis guđet háliidit čađahit doaibmabijuid ja jienasteaddjiin, cealká gieldaministtar Liv Signe Navarsete. – Dát doaibmabijut bohtet lassin departemeantta iežas diehtojuohkindoaibmabijuide. Mun oaivvildan ahte ollu organisašuvnnat álkibut sáhttet juksat ulbmiljoavkkuideaset go departemeanta nákce. Danne lea dehálaš ahte dát ožžot vejolašvuođa ovddidit dieđuid válggaid birra ja áinnasge váikkuhit dasa ahte eanebut jienastit, dadjá stáhtaráđđi.

Várrejuvvon leat 5 milj. ruvnno rádjai mat galget juhkkojuvvot iešguđetlágan doaibmabijuide. Doarjagiid juogidettiinis departemeanta háliida deattuhit sihke fáddái, doaibmabidjošládjii ja ulbmiljoavkkuide guoski šláddjiivuhtii. Vuoruhuvvo addit doarjaga dakkár ulbmiljoavkkuide go nuoraide, sisafárrejeaddjiide ja olbmuide guđet dárbbašit erenoamážit heivehuvvon diehtojuohkima. 

Ohcanáigemearri lea čakčamánu 20. b. 2010. Doarjagat máksojuvvojit ođđajagimánus 2011.

• Tilskudd til informasjonstiltak ved kommunestyre- og fylkestingsvalget 2011.
    

Gielda- ja guovlodepartemeantta preassatelefovdna: 22 24 25 00.