Ráđđehus áigu vuosttildit visot lágan vealahemiid, soardimiid, gierdameahttunvuođa ja rasisma.
Ráđđehus áigu vuosttildit visot lágan vealahemiid, soardimiid, gierdameahttunvuođa ja rasisma.
Beroškeahttá čearddalaš duogážis, de buohkain galget leat seamma vuoigatvuođat, geatnegasvuođat ja vejolašvuođat. Suddjen čearddalaš vealaheami vuostá lea muddejuvvon vealahanlágas, man Dásseárvo- ja vealahanáittardeaddji giehtaguššá. Ráŋggáštuslágas lea maiddái ráŋggáštusrievttálaš suddjen vealaheami vuostá earret eará čearddalašvuođa geažil.
Mánáid-, dásseárvo- ja searvadahttindepartemeanttas lea vuojehandoaibma dan ektui ahte ovttaiduhttit barggu mainna ovddida dásseárvvu ja hehtte čearddalaš vealaheami buot politihkkasurggiin ja hálddahusdásiin. Buot departemeanttain lea dattetge ovddasvástádus ovddidit dásseárvvu ja hehttet vealaheami buot iežaset ovddasvástádussurggiin. Ráđđehusa ođđa doaibmaplánas 2009-2012 dásseárvvu ovddideapmái ja čearddalaš vealaheami hehttemii leat 66 ođđa doaibmabiju, ja 9 departemeanttas lea ovddasvástádus doaibmabijuide mat plánas leat.