Danne go das lea ovddasvástádus eastadit sosiála váttisvuođaid ja buoridit heajumuččaid eallindili, de lea sosiálabálvalus dehálaš geafivuođa eastadeaddji. Sosiálabálvalus galgá eastadandoaimmaid, neavvuma, oaivadeami, ekonomalaš doarjaga ja sosiálabálvalusaid bokte veahkehit juohkehačča iešbirgejupmái. Gielddain dat lea váldoovddasvástádus sosiálabálvalusain ja ekonomalaš doarjagiin.
Bargodepartemeanttas lea bajimus oddasvástádus sosiálabálvaluslága 5. kapihttalis (ekonomalaš doarjagiid birra) ja paragráfas 4-5 (gaskaboddasaš orrunsaji birra). Dearvvašvuođa- ja fuolahusdepartemeanttas lea bajimus ovddasvástádus sosiálabálvaluslága eará osiin. Sosiála- ja dearvvašvuođadirektoráhtas lea ovddasvástádus sosiálabálvaluslága ja láhkaásahusaid hálddašeamis. Spiehkastahkan leat njuolggadusat stáhta bearráigeahču hárrái, main Stáhta dearvvašvuođabearráigeahčus lea hálddašanovddasvástádus.
Departemeanta lea addán láidesteaddji njuolggadusaid dasa mo galgá meroštallat birgendoarjaga sosiálalága § 5-1 goalmmát lađđasa vuođul.
Báikkálaš NAV-kantuvrrat dat galget hálddašit ekonomalaš doarjagiid ođđa bargo- ja čálgohálddašeami vuođul.