Evttohusat nuppástuhttit láhkaásahusa bálká- ja bargoeavttuid birra mat gullet almmolaš soahpamušaide

Ođasmahttin-, hálddahus- ja girkodepartemeanta (OHD) ja Bargodepartemeanta (BD) leat ovttasráđiid sádden gulaskuddamii evttohusaid nuppástuhttit láhkaásahusa bálká- ja bargoeavttuid birra mat gusket almmolaš soahpamušaide.

Láhkaásahus lea dehálaš oassi ráđđehusa doaibmaplánas sosiála “dumpema” vuostá. Ráđđehus oaivvilda ahte almmolaš suorggis lea erenoamáš ovddasvástádus vuosttildit sosiála “hilguma” ii ge ieš leat mielde dušše ávkin geavaheamen olgoriikkalaš bargiid Norgga bargomárkanis. Dát ovddasvástádus ollašuhttojuvvo earret eará sihkkarastimiin ahte bálká ja eará bargoeavttut sohpet tariffašiehtadusaid unnimuseavttuide.

Gustojeaddji láhkaásahusteaksta lea eahpečielggas muhtun čuoggáin. OHD ja BD oidnet danne dárbbu čađahit muhtun aiddostahttimiid sihkkarastin dihtii soahpamušbeliide nu buori ovddalgihtii vuorddehahttivuođa go vejolaš. Láhkaásahusa gáibádusa čielggasmahttin buorida maiddái vejolašvuođa gozihit geatnegasvuođaid ollašuhttima.

Gulaskuddan – nuppástusat láhkaásahussii bálká- ja bargoeavttuid birra mat gullet almmolaš soahpamušaide (girjedárrui)

Cealkináigemearri gulaskuddamis lea čakčamánu 30. b. 2010.