Válgabeaivvi čakčamánu 14. b. don galggat jienastit dan gielddas man jienastuslohkui don leat čálihuvvon, namalassii dan gielddas mas don ledjet girjejuvvon álbmotregistarii Norgga ássin geassemánu 30. b.
Jos don áiggut jienastit ovddalgihtii, de sáhtát nu dahkat man fal gielddas don háliidat riikkas. Ovddalgihtii jienasteami vejolašvuohta Norggas lea maŋimusat čakčamánu 11. b. Jos don ovddalgihtii jienastat eará gielddas go ruovttugielddastat, de du jienastat automáhtalaččat sáddejuvvo du ruovttugildii.
Gielddat dat mearridit válgalanjaid mat galget geavahuvvot ja daid rabasáiggiid, sihke ovddalgihtii jienasteami várás ja jienasteami várás válgabeaivvi. Danne váldde oktavuođa gildii jos dárbbašat dárkilat dieđuid válgalanja ja rabasáiggiid birra. Oza gieldda interneahttasiiddu (liŋka dása: Norga.no).
Jos don leat olgoriikkas luomus dahje eará sivaid geažil, itge sáhte jienastit Norggas, de don sáhtát ovddalgihtii jienastit máŋgga norgalaš olgoriika-stašuvnnas. Maŋimuš vejolašvuohta olgoriikkas jienastit ovddalgihtii lea ovdal čakčamánu 4. b.
