Dáin lea jienastanvuoigatvuohta sámediggeválggas:
Sámit guđet leat Norgga stáhtalahtut, ja guđet
- devdet 18 jagi ovdal válgajagi loahpa, ja guđet
- leat, dahje leat leamaš, girjejuvvon Norgga ássin álbmotregistarii, ja guđet
- leat čálihuvvon Sámedikki jienastuslohkui válgabeaivvi, ja guđet
- eai leat massán jienastanvuoigatvuođaset Vuođđolága § 53 vuođul
Sámiin geat barget diplomatiijas dahje konsuláhtalágádusas, ja sin bearašlahtuin lea jienastan¬vuoigatvuohta vaikko sii eai deavdde ássaneavttu. Jos sii eai leat goassege leamaš registarastojuvvon Norgga ássin, de galget girjejuvvot Sámedikki jienastuslohkui Oslo suohkanis.
Ruoŧa ja Suoma sámit guđet
- devdet 18 jagi ovdal válgajagi loahpa, ja guđet
- ledje girjejuvvon Norgga ássin álbmotregistarii válgajagi geassemánu 30. b. , ja guđet
- leat čálihuvvon Sámedikki jienastuslohkui válgabeaivvi
Sámit guđet eai leat davviriikkaid stáhtalahtut ja geat
- devdet 18 jagi ovdal válgajagi loahpa, ja guđet
- leat leamaš, girjejuvvon Norgga ássin álbmotregistarii maŋimuš golbma jagi válgajagi ovdal, ja guđet
- leat čálihuvvon Sámedikki jienastuslohkui válgabeaivvi
Olgoriikka sámit guđet dieđihit fárrema Norggas eret ovdal válgabeaivvi, masset jienastanvuoigatvuođaset.
Leatgo don čálihuvvon Sámedikki jienastuslohkui?
Sámit guđet ásset Norggas:
Sámit geat ledje čálihuvvon Sámedikki jienastuslohkui jagi 2001 dahje jagi 2005 válggas, ja geat leat girjejuvvon Norgga ássin, čálihuvvojit automáhtalaččat Sámedikki jienastuslohkui dan gilddas man álbmotregistarii sii ledje girjejuvvon ássin geassemánu 30. b. 2009. Sámit geat fárrejedje eará gildii geassemánu 30. b. 2009 maŋŋil, čálihuvvojit Sámedikki jienastuslohkui dan gielddas mas sii fárrejedje eret.
Daidda sámiide geat ásset Norggas ja geat eai lean čálihuvvon Sámedikki jienastuslohkui jagi 2001 ja jagi 2005 válggas, lea áigemearri ohcat čálihuvvot Sámedikki jienastuslohkui geassemánu 30. b. 2009. Ohcan galgá sáddejuvvot Sámediggái.
Sámit guđet ásset olgoriikkas:
Olgoriikkas ássi sámit, guđet leat Norgga stáhtalahtut, ja geat ledje čálihuvvon Sámedikki jienastuslohkui jagi 2001 ja jagi 2005 válggas, čálihuvvojit automáhtalaččat Sámedikki jienastuslohkui dan gielddas man álbotregistarii sii sii maŋimusat ledje girjejuvvon ássin.
Olgoriikkas ássi sámit, guđet leat Norgga stáhtalahtut, ja geat eai lean čálihuvvon Sámedikki jienastuslohkui jagi 2001 ja jagi 2005 válggas, fertejit ohcat čálihuvvot Sámedikki jienastuslohkui. Čálihanohcan sáddejuvvo Sámediggái ja ferte ovdal dii. 21 čakčamánu 14. b. dohko joavdat. Ohcci sáhttá deavdit sierra ohcanskovi maid oažžu jienastatvuostáiváldis go son jienasta olgoriikkas, dahje son sáhttá ohcat reivviin. Ohcamis ferte jienasteaddji duođaštit ahte son atná iežas sápmelažžan ja ahte sus lea sámegiella eatnigiellan dahje ahte sus lea dahje lea leamaš váhnen, váhnenváhnen ja máttarváhnen geas lei sámegiella eatnigiellan, dahje ahte jienasteaddji váhnen lea dahje lea leamaš Sámedikki jienastuslogus. Ohcamis galget jienasteaddji namma, adreassa ja riegádusnummar (11 siffara) boahtit ovdan. Jos jienasteaddji ii leat leamaš registarastojuvvon Norgga ássin maŋimuš logi jagi válgabeaivvi ovdal, galgá ohcamis leat jienasteaddji duođaštus ahte son ain lea Norgga stáhtalahttu.
• Skovvi mainna ohcat iežas čálihuvvot Sámedikki jienastuslohkui [pdf-hápmi]
Sámedikki adreassa:
Sámediggi – Sametinget
Ávjovárgeaidnu 50
9730 Karasjok/Kárášjohka
