Lasiha doaimma Suodjalusas

Historjjálaš arkiiva

Almmustahttináigodat Regjeringen Stoltenberg II

Almmustahtti: Suodjalusdepartemeanta

Ođas | Almmustahtton: 04.10.2010

Ráđđehusa guhkesáiggeplána suodjalusa várás čuovvoluvvo. Boahtte jahkái ii unniduvvo suodjalusbušeahtta, dadjá suodjalusministtar Grete Faremo.

Suodjalusministtar Grete Faremo, , Haakonsvern orlogsstašuvnna Bergenis. - Govven: Suodjalus

Gaskavahku son galledii mearamilitearaguovddáža, Haakonsvern orlogsstašuvnna Bergenis. Doppe son lohpidii ahte lassáneaddji doaibma vuoruhuvvo boahtte jahkái. Mearamiliteara borjjastandoaibma galgá lassánit 2010 – 2011 rádjai.

- Mii vuoruhat atnui váldimis ođđa rusttegiid, nugomat mearamiliteara ođđa fatnasiid Frithjof Nansen- ja Skjold-klássa sturrodagas. Go mii daid fatnasiid oažžut ja atnui váldit boahtte jahkái de mis lea okta dain eanemus ođđaáigásaš mearamilitearabálvalusain Eurohpás, dadjá suodjalusministtar Grete Faremo.

Ii gáržžideapmi
Suodjalusa guhkesáiggi plána čuovvoluvvo, eaige guđege suodjalussurggiid bušeahtat gáržžiduvvo.
- Mii lasihat borjjasteami ja hárjehallamiid, earenoamážiid ruovttusuodjalusas, lohka son.

Govven: Suodjalus

Suodjalusa bušeahtta ovdanbiddjo golggotmánu 5.beaivvi, ja suodjalusministtar danin ii čiekŋut bušeahta bienaide ovdal dan.