Válgaláhka gáibida ahte jienasteaddji gean jienastatvuostáiváldi ii dovdda, galgá duođaštit gii son lea. Nubbi olmmoš válgalanjas ii sáhte dáhkidit dahje duođaštit jienasteaddji identitehta. Danne váldde mielddát legitimašuvnna go leat vuolgimin jienastit, go doarvái ii leat muitalit nama ja riegádanbeaivvi. Buorit legitimašuvdnaovdamearkkat leat pássa, vuodjinkoarta ja báŋkokoarta mas lea govva, muhto don sáhtát geavahit earalágan legitimašuvnnage. Gáibádus lea ahte das lea jienasteaddji namma, riegádanbeaivi ja govva.
Jos don leat dakkár ásahusas go buohcciidsiiddas, buohcciidviesus dahje giddagasas, de sáhtát bivdit ásahusa bargi duođaštit gii don leat.
