Norgga guolástus- ja mearradoalloealáhus gilvohallá globála márkanis, ja leat buktimin 150 riikka geavaheddjiide dearvvašlaš ja sihkkaris mearrabiepmu mii lea buvttaduvvon buhtes mearrabirrasis.
Ealáhus gullá Norgga ovddimus eksportaealáhusaid searvái, ja lea hui dehálaš min guhkes rittu ássamii ja doaibmadássái. Ealáhus buktá bargosajiid guolásteamis, guollebiebmamis ja guolleindustriijas, ja lea dán láhkái oalgeváikkuhusaid buktimin buot ealáhusaide, dutkamii ja ovdánahttimii.
Norga buvttada sullii 3 milliovnna tonna guoli jahkásaččat, mas 90 proseanta eksporterejuvvo. Danin lea ge Norgga guoli márkanolaheapmi Norgga guolástus- ja mearradoallopolitihka dehálaš hástalus. Guolástus- ja riddodepartemeantta mihttomearri lea láhčit dili mariinna ávdnasiid buktagiid árvolassáneapmái.
