Ođđa fregáhtat galledit Oslo

Suodjalusministtar Grete Faremo lei okta dain vuosttaš gussiin dalle go KNM Fridtjof Nansen ja KNM Helge Ingstad ledje goalustuvvon kájái  ja bovdejedje álbmoga guossái Oslos.

Suodjalusa guokte fregáhtat Akershuskájá guoras Oslos. Govvideaddji: Torbjørn Kjosvold, FMS.

Nansen ja Ingstad leabba guokte Norgga viđa ođđa fregáhtain, ja dán vahkkoloahpa leat dámpat kájá bálddas Oslos vai suodjalusa njunnožat ja álbmot besset daid vuosehit.

Faremo oinnii Nansen fatnasa vuosttaš geardde olggobealde Somalia-rittu ovdalaš juovllaid, go dat lei mielde EO-doaimmas Atalantas vuostálastimis piráhtadoaimma.
- Fregáhtta lea vuosttažettiin oston Norgga riikka ja áhpeguovlluid bealušteami várás. Dat sáhttá dattege geavahuvvot eará doaimmade nugomat piráhtaid vuostálastimii, ovdamearkka dihte nu movt oinniimet Adenluovttas diimmá čavčča. Fanas ja fanasveahka ožžo buori rámi bargguset ovddas doppe, lohka Faremo.

Dát ođđa fregáhtat leat fatnasat mat sáhttet geavahuvvot suodjalusa doaimmaide nugomat riddobearráigehččui ja davviguovllu bearráigehččui, ja  eará háve ges doarjumis fanasjohtolaga Adenluovttas.

Dál lea Nansen fas ruovttuguovllus, ja galgá ovttas eará fregáhtaiguin doaibmat norgga riddoguovllus. Dán vahkkoloahpa  lea álbmogis buorre vejolašvuohta vuosehit guokte dain buot eanemus ođđaáigásaš soahtefatnasiid go leat kájá guoras Oslos.

Suodjalusministtar Grete Faremo, dearvvaha Norwegian task group hoavdda, Håkon Tronstad. Govvideaddji: Torbjørn Kjosvold, FMS.

Loga eanet Adenluovtta doaimma birra dás:
http://www.regjeringen.no/nb/dep/fd/aktuelt/nyheter/2009/kompetansesamfunn-pa-kjol.html?id=588676

KNM Frithjof Nansen ja KNM Helge Ingstad. Govvideaddji: Torbjørn Kjosvold, FMS