Oktasaš čovdosat oktasaš hástalusaide

Suodjalusministtar Grete Faremo lei guossoheaddji iežas davviriikkalaš kollegaide go sii deaivvadedje Birggonis miessemánu 20. – 21. b. Okta čoahkkima dehálaš fáttáin lei dat suorggit main oktasaš, davviriikkalaš čovdosat sáhttet buorebut dustet juohke riikka hástalusaid.

- Lea álo hávski deaivvadit iežan davviriikkalaš kollegaiguin, ja lea erenoamáš hávski dál go mii oanehis áiggis leat gávdnat ođđa ovttasbargovejolašvuođaid mat min mielas sáhttet addit stuorra vuoittuid. Ovttasbarggu bokte sáhttit fállat buoret ja mávssoleappo veahki riikkaidgaskasaš doaimmaide, ja min investeren- ja doaibmabušeahtat ollet guhkkelebbui, dadjá suodjalusministtar Grete Faremo.

Norga jođiha davviriikkaid suodjalusovttasbarggu, NORDEFCO, dán jagi, ja Norgga ovdagoddái lea álggahuvvon ovttasbargguid čađaheapmi ja ođđa prošeavttaide láhčin leamaš dehálaš mihttomearri.

Riikkaidgaskasaš doaimmat lea okta dain surggiin maid ovttasbarggus mii oaidnit stuorra ávki. Ministarat ságastalle sihke čavgadet ovttasbarggu birra Afganistan doaimmain ja vejolašvuođaid birra ovttasbargat boahttevaš ON-doaimmain. Bargojoavku nammaduvvui mii galgá bargat viidáseappot dáinna áššiin.

Kai Eide, ONa ovddeš erenoamáš sáttaolmmoš Afganistanii, álggahii ságastallama Afganistana birra.

Fáddán áššelisttas lei dasto vejolaš ávnnas- ja kapasitehtaovttasbargu. Dán suorggis leat oaidnán máŋga konkrehta bohtosa maŋimus jagiin. Ministariid mielas lei buorre go árjjalaččat geahččaluvvo gávdnat ođđa vejolašvuođaid ja ásahit dárbbašlaš rámmaeavttuid dakkár oktasaš, goluid seasti prošeavttaide ja doaimmaide nu go rádjerasttideaddji hárjehallamiidda.

Ministarat digaštalle maid mo viidáseappot ovddidit ovttasbarggu veteránaášši oktavuođas. Buot davviriikkain lea olgoriikadoaimmaid  mearkkašupmi ja sturrodat lassánan nu ahte hástalusat leat šaddan  eanet ovttaláganat go ovdal. Dás sáhttet davviriikkat oahppat guhtet guimmiineaset ja doaibmabijuid lea vejolaš oktiiheivehit.

Davviriikkaid ministarat digaštalle maiddái davviguovlluid hástalusaid, barggu NATO ođđa strategalaš jurddašanvugiin ja NATO ođastusproseassa.

Loga eanet NORDEFCO birra dás:
http://www.regjeringen.no/nb/dep/fd/tema/forsvarspolitikk/nordisk-samarbeid.html?id=532212

Loga eanet Norgga ovdagotti birra dás: http://www.regjeringen.no/nb/dep/fd/aktuelt/nyheter/2010/norge-overtar-ledelsen-av-det-nordiske-f.html?id=589928