Áhperesursa- ja ridduossodat lea ovddasvástideaddji fágaossodat fáhkkatlaš nuoskkideami gearggusvuhtii, mearrasihkkarvuhtii ja Norgga ealli mariinna riggodagaid hálddašeapmái.
Ossodagas lea maid fágaovddasvástádus guollevuovdinservviide ja álgogávppašeapmái, guolástusguovllu ekonomálaš dili ja hástalusaid mat leat čatnon struktuvrii bivdoláđđasis.
Áhperesursa- ja ridduossodagas lea danne ovddasvástádus bidjat johtui ođđa hápman- ja mearraguovlulága, čađahit ođđa áhperesursalága, ja čuovvolit loksalága, oasálastilága ja njuoskaguollelága.
Ossodahkii gullá našunála hálddašeapmi čuovvovaš áššiin: eastadahtti mearrasihkkarvuohta, dasa gullevaš johtolatguovddážat ja rundinfanaskapasiteahta, borjjashálttit ja ovdánahttit johtalusvuogádagaid ja johtalusnormála, livttat ja mearkkat ja navigereninfrastruktuvra ja loksabálvalus, ovttas našunála hálddašemiin ja čađahemiin guolásteamis ja internašunála gažaldagat čadnojuvvon globála ja regionála resursahálddašeapmái.
Áhperesursa- ja ridduossodat lea bálddalas ossodat riddo- ja áhpebirasgažaldagaide, hálddašanplánaide, d ja petroleumdoaimmaid oktavuođaide, ON:a mearrajohtalusorganisašuvnnaide (IMO), ja mearrasihkarvuhtii, oljosihkarvuođagearggusvuhtii, ja eará áhpebirasgažaldagaide Svalbardas.
