Statistihkalaš guovddášbyrå (SSB) ráhkada ja almmula almmolaš statistihkaid Norggas, ja bargá dasa lassin vel ollu dutkanbargguid. SSB gokčá eanas servodatsurggiid, ja ráhkada ovdamearkkadihte statistihkaid ja analysaid servodatekonomiija, ealáhusovdáneami ja álbmoga birra. SSB ovddásvástádus lea našunálrehketdoallu ja eará dehálaš ekonomalaš statistihkat. Dát leat dieđut mat earet eará geavahuvvojit našunálbušeahttabargguin ja go ráhkadit guhkesáiggi prográmmaid. Eará ovdamearkkat makkár ekonomalaš statistihkat ráhkaduvvojit leat logut mat čájehit Norgga gávppašeami olgoriikkain, vearrodietnasiid, haddegoargŋumiid, buvttadeami, barggaheami ja bargguhisvuođa. SSB oktiiheiveha ja heiveha maid statistihkaid maid eará institušuvnnat leat čohkken – ja searvá maid riikkaidgaskasaš statistihkkaovttasbargui.
1. beaivvi ođđajagimánus 2006 ledje Statistihkalaš guovddášbyråas 948 bargi ja bušeahtta lei 368,7 milliuvnna ruvnno. Buorre 20 proseantta SSB dietnasiin leat máksu sihke almmolaš ja priváhta bálvalusaid ovddas, muhto váldooassi doaimmas ruhtaduvvo stáhtabušeahtas. SSB:s leat kántuvrrat Kongsvingeris ja Oslos.
