Sámediggeválga

Sámediggeválgga válgabeaivi lea čakčamánu 14. beaivi 2009. 204 gielddas dahje suohkanis lea válga sotnabeaivvi čakčamánu 13 beaivvi ge. Geahča daid gielddaid dahje suohkaniid visogovalaš logahallama main válga dollojuvvo ovtta beaivvi ja main válga bistá guokte beaivvi.

Eanet dieđuid Sámediggeválgga birra oaččut dás: www.samediggi.no.

Jienastanvuoigatvuohta ja jienastuslohku

Dus ferte leat jienastanvuoigatvuohta ja don fertet leat girjejuvvon jienastuslohkui jus galggat beassat jienastit.

Legitimašuvdna

Láhkaásahus Sámediggeválgga birra gáibida ahte juohke jienasteaddji guhte lea vieris jienastagaid vuostáiváldái, galgá duođaštit gii son lea. Danne berret legitimašuvnna váldit mielde go áiggut jienastit, ii leat doarvái muitalit iežat nama ja riegádanbeaivvi.

Válgakoarta

Buot jienasteaddjiide sádde Sámediggi válgakoartta poasttas. Válgakoarta ráhkaduvvo Sámedikki jienastuslogu ja álbmotregistara dieđuid vuođul mat muitalit man gildii dahje suohkanii jienasteaddjit ledje girjejuvvon ássin geassemánu 30. beaivvi válgajagi. Dát čujuhus dat mearrida man válgabiirres dus lea jienastanvuoigatvuohta.

Ná don jienastat válgabeaivvi

Válgabeaivi lea vuosárga čakčamánu 14. beaivi. Ollu suohkanat lágidit válgga maiddái sotnabeaivvige čakčamánu 13. beaivvi. Válgabeaivvi lea dušše 47 gielddas dahje suohkanis vejolaš jienastit.

Ná don jienastat ovddalgihtii

Ođđa ortnet dán jagi: Don beasat jienastit suoidnemánu 1. beaivvi rájes jus dus ii leat vejolaš jienastit ovddalgihttii dábálaš jienastanáigodagas, ii ge válgabeaivvi. Don fertet oktavuođa váldit iežat gildii dahje suohkanii ja soahpat jienastanáiggi. Dábálaš áigodat ovddalgihtii jienastit álgá borgemánu 10. beaivvi ja bistá čakčamánu 11. beaivvi lohppii. Don sáhtát ovddalgihtii jienastit man fal gielddas dahje suohkanis miehtá riikka. Muitte legitimašuvnna váldit mielde!

Válga