Eanadoallu mearkkaša ollu ássamii ja bargosadjedillái. Ulbmil lea oaččuhit áigái vuođu mas buoridit árvobuvttadeami ja eallindási, ja dasa dárbbašuvvo eanadoalu ja giliid resurssaid ceavzilis hálddašeapmi. Suohkaniid dehálaš rollan šaddá ovddidit báikkálaš eanadoallo-politihka mii lea riikkalaš eanadoallopolitihka rámaid siskkobealde, ja dat fertejit atnit eana-doalu oassin mii gullá suohkana servodat- ja ealáhusovddideapmái. Juohke suohkan lea mearráduseiseváldi juridihkalaš ja ekonomalaš váikkuhangaskaomiid dáfus, ja mearrádus-árvaleaddji eiseváldi giliid ovddideaddji doarjagiid dáfus. Eanadoallo- ja biebmodeparte-meanta lea dahkan ovttasbargansoahpamuša KS:ain - suohkansuorggi beroštus- ja bargoaddi-organisašuvnnain ollašuhttin dihtii ulbmiliid.