Dan ovddasvástádus lea hálddašit falástallanulbmiliidda ruđaid mat Norsk Tippingas báhcet buorrin. Falástallanossodat lea maid falástallanrusttegiid, falástallanpolitihkalaš gažaldagaid, internašuvnnalaš falástallanbargguid ja dopeneastadeami ovddasvástideaddji.
Váldonjuolggadussan ruđaid geavaheapmái mat leat báhcán buorrin, lea ahte dat ovddemustá galget adnot falástallanrusttegiid huksemiidda. Norges Idrettsforbund galgá oažžut doarjaga ja nu maiddái Olympiske Komite hálddahus, ja dan dehálaš bargguide galgá maid juolluduvvot doarjja. Dasa lassin galgá juolluduvvot doarjja falástallanbargamušaide ja ulbmiliidda main departemeantta mielas lea riekti oažžut doarjaga.
Ollu hálddašanbarggut mat gusket speallanruđaide, mat galget adnot falástallamii ja lášmmohallandoaimmaide, leat sirdojuvvon suohkaniidda ja fylkasuohkaniidda. Aktivitehtabealis leat Norges Idrettsforbund ja Olympiske Komite stuorámus doarjjavuostáiváldit.
