Buot jienasteaddjiide sáddejuvvo válgakoarta poasttas. Válgakoarta ráhkaduvvo daid dieđuid vuođul mat leat álbmotregistaris jienasteddjiid ássanadreassa birra válgajagi geassemánu 30. b. Dát adreassa dat mearrida man gielddas dus lea jienastanvuoigatvuohta.
Válgakoarttas don gávnnat dieđuid jienastanáiggi ja dan jienastanlanja birra mas don galggat jienastit válgabeaivvi.
Jos don jienastat ovddalgihtii, de sáhtát jienastit man gielddas ihkinassii riikkas. Du jienastat de sáddejuvvo du ruovttugildii.
Dárbu ii leat váldit válgakoartta jienasteapmái, muhto jos nu dagat, de dat geahpeda válgadoaimmahasaid barggu. Don geavahat unnit áiggi jienastit jos dus lea válgakoarta mielddát. Jos it leat ožžon válgakoartta poasttas dahje jos leat láhppán dan, de dattetge sáhtát boahtit válgalatnjii jienastit.
Válgakoarta ii dohkke legitimašuvdnan.
Jos dus leat eará jearaldagat válgakoartta birra, de váldde oktavuođa iežat gildii.
