Sámediggi sádde buot jienasteaddjiide válgakoarta poasttas. Válgakoarta ráhkaduvvo daid dieđuid vuođul mat leat Sámedikki jienastuslogus ja álbmotregistaris jienasteddjiid ássanadreassa birra válgajagi geassemánu 30. b. Dát adreassa dat mearrida man válgabiirres dus lea jienastanvuoigatvuohta.
Válgakoarttas don gávnnat dieđuid jienastanáiggi ja dan jienastanlanja birra mas don galggat jienastit válgabeaivvi, ja gosa du jienastat galgá sáddejuvvot jos don fertet ovddalgihtii jienastit dán jagi.
Sámediggeválgga válgakoarttas lea álit ivdni. Sii geain lea vuoigatvuohta jienastit stuorradiggeválggas, ožžot maiddái vilges válgakoartta. Jos dus lea vuoigatvuohta jienastit sihke stuorradiggeválggas ja sámediggeválggas, de sáhtát jienastit guktuin válggain.
Dárbu ii leat váldit válgakoartta jienasteapmái, muhto jos nu dagat, de dat geahpeda válgadoaimmahasaid barggu. Don geavahat unnit áiggi jienastit jos dus lea válgakoarta mielddát. Jos it leat ožžon válgakoartta poasttas dahje jos leat láhppán dan, de dattetge sáhtát boahtit válgalatnjii jienastit.
Válgakoarta ii dohkke legitimašuvdnan.
