Golggotmánnu lea riikkaidgaskasaš diehtosihkarvuođa mánnu. Dán mánu mielde galgá čađahuvvot veahkkálasbargu nannemis diehtosihkarvuođa riikas.
Mii dađistaga atnit interneahta máŋggalágan doaimmaide ja ulbmiliidda. Mii gávppašat neahtas, ávkkástallat neahttabáŋku ja gulahallat iežamet ustibiiguin šleađgaboastta, SMS ja Facebook bakte.
- Interneahtta bakte mii leat ožžon viiddis vejolašvuođaid, muhto mii fertet oažžut máhtu ja oahppat movt mii doaibmat neahtas. Mis lea buohkain ovddasvástádus dahkat dan mii lea vejolaš vai nannet sihkarvuođa neahtas, lohká stáhtaráđđi Rigmor Aasrud, guhte rahpá sihkarvuođamánu “doarvái sihkarvuohta” konfereanssa mii lágiduvvo golggotmánu 2. beaivvi.
Dán jagi sihkarvuođa mánus leat golbma váldofáttá:
- Bisán. Jurdil. Deaddil.
- Ođasmahttit dihtorprográmmaid
- Beassansátni
Dat mii lea oktasaš dáin golmma fáttáin lea ahte lea sáhka doaimmain maiguin mii buohkat fertet bargat. Mis lea buohkain ovddasvástádus dahkat dan maid sáhttit hehttemis dihtorvirusa leavvama, ja ahte mis buohkain lea ovddasvástádus eastadeames DT-vearredahkkiid doaimma dákko bakte go ođasmahttit dihtorprográmmaid ja fuolahit ahte mis leat buori beassansáni vierut.
Dása lea čohkkejuvvon dieđut das mii sihkarvuođamánus nationála dásis gálgá dáhpáhuvvat.
Ođđasat, sáhkavuorut ja preassadieđáhusat:
Loga eanet:
Norgga diehtosihkarvuođa guovddáš dat ovddasvástida nationála veahkkálasbarggu. Norgga diehtosihkkarastin guovddáš (NorSIS) lea oassin ráđđehusa ollislaš diehtosihkarvuođa áŋgiruššamis Norggas. NorSIS lea fágalaččat Ođasmahttin-, hálddahus- ja girkodepartemeanta vuollásažžan.
