Vearroetáhtta bearráigeahččá ahte vearut ja divvagat mearriduvvojit ja máksojuvvojit rievttes lági mielde ja ahte riikkas lea ođasmahttojuvvon álbmotregisttar. Etáhta ovddasvástideaddji doaibma dagahii ahte jagis 2005 rehkenastojuvvui 585 milliárda ruvnno vearru ja divvagat stáhtii.
Vearroetáhttii gullet Vearrodirektoráhtta, 19 fylkavearrokántuvrra, 18 vearrováldekántuvrra, 98 liknetkántuvrra, Guovddášvearrokántuvra olgoritáššiide, Guovddášvearrokántuvra stuora fitnodagaide ja Oljovearrokántuvra. Vearroetáhtta čállá vearrogoarttaid, gáibida ovdagihtii vearu ja bearráigeahččá vearrodieđáhusaid ja lea álbmotregistara ovddasvástideaddji. Dasa lassin mearrida ja bearráigeahččá etáhtta álbmotoadjodivvagiid ja lassiárvodivvaga, gáibida lassiárvodivvaga ja ollu eará divvagiid ja máksámušaid stáhtii, ja mearrida ja gáibida árbendivvaga. Dasa lassin lea vearroetáhtta fágalaš ovddasvástideaddji suohkaniid vearrogábideddjiide mat gáibidit njuolggovearu.
2005/2006 jahkemolsašumis lei etáhtas bargoveahka mii dahká 5 850 jahkedoaimma, ja etáhta doaibmabušeahtta lea sullii 3,6 milliárda ruvnno (2006).
