Ráđđehus áigu nannet mearrabirrasiid ekovuogádagaid ja
vieris ávdnasiid geahču. Barentsábi hálddašanplánas ráđđehus árvala
ásahit ráđđeaddi joavkku, mii goziha Barentsábi, ja man
Mearradutkaninstituhtta jođiha.
- Mearradutkaninstituhtta johtá
fatnasiiddisguin guovllus dutkamin ekovuogádaga, ja ovddida dan
láhkai nannosit ekovuogádagaid áddema ja iskosiid čoaggima, mainna
gozihit vieris ávdnasiid. Dát johtolat, ovttasbarggus ruošša
dutkanfatnasiiguin, lea váldoreaidu maiddái boahtteáiggisge,
guolástus- ja riddoministtar Helga Pedersen dadjá.
- Buorre geahčču lea mávssolaš, go
dainna mii duođaštit ahte norgga guolit goddojit buhtes mearas. Ja
mii sáhttit fuomášit birrasa vejolaš rievdamiid nu árrat go
vejolaš. Dan láhkai čoaggit dokumentašuvnna, maid sáhttet geavahit
riikkaidgaskasaččat, go áigot bissehit nuoskkideami, mii boahtá
áimmu dahje mearrarávnnjiid mielde, Pedersen dadjala.
Guolástus- ja riddoministtar
deattuha ahte go dieđut ekovuogádaga birra lassánit, de maid
buorrána ealli mearravalljodagaid nana ávkkástallama vuođđu, mii
diehtigoahtit buorebut man láhkai ekovuogádaga iešguđet oasit leat
oktavuođas nubbi nuppiin ja sáhttit dan vuođul ráhkadit guhkit
áiggi hálddašanstrategiijaid. Šaddá maid álkit árvvoštallat man
láhkai iešguđet doaimmat váikkuhit meara ekovuogádahkii. Dan láhkai
Norga bargá ovdavázzi riikan mearraguovlluid hálddašeami dáfus.
Ráđđeaddi gozihanjoavkun nammadit
viiddis joavkku, mii ovddasta nuppelohk��i ásahusa, main lea
ovddasvástádus suorggis ja mat dutket ja gozihit suorggi.