Viessu ja opmodat

Ráđđehus áigu čađahit sosiála viessopolitihka. Ulbmil lea ahte buohkain galgá leat buorre viessu buori ássanbirrasis. Eanadoalus lea dehálaš rolla ássamis ja barggaheamis riikka stuorra osiin.

Gielda- ja guovlodepartemeanttas dat lea ovddasvástádus viesso- ja huksenpolitihkas. Eanadoallo- ja biebmodepartemeanttas lea ovddasvástádus eanadoallopolitihkas. Mánáid-, dásseárvo- ja searvadahttindepartemeanta geahččala bargguinis nannet geavaheaddjiid vuoigatvuođaid.

Dán siiddus gávnnat dieđuid ja dokumeanttaid mat gusket vissui ja opmodahkii bajimus dásis. Sáhtát guorahallat fáttá dárkileappot fálus mii lea olgeš bealde.

Diŋgo e-poastadieđiheami

Eanet láigoorrunsajit daidda guđet leat váttes dilis

[Preassadieđáhus, Gielda- ja guovlodepartemeanta, 11.05.2010]

- Olus leat ohcan doarjaga ásahit láigoorrunsajiid dán jagi. Mii lasihit doarjaga láigoorrusajiide 88,8 milj. ruvnnuin jahkái 2010 reviderejuvvon nationálabušeahtas. Dat mearkkaša ahte Viessobáŋku sáhttá addit doarjaga sullii 1150 orrunsadjái dán jagi, dadjá gielda- ja guovloministtar Liv Signe Navarsete.

Ođđa viessoláigodoarjja daidda láigoássiide geat láigohit muddejuvvon orohagaid dahje ásodagaid Troanddimis

[Preassadieđáhus, Gielda- ja guovlodepartemeanta, 11.05.2010]

Ovdal soađi mannosaš orohagaid dahje ásodagaid viessoláigomudden heaittihuvvui ođđajagi molsašumis. Rievdaduvvon nationálabušeahtas evttoha Ráđđehus ođđa viessoláigodoarjaga daidda láigoássiide guđet eai nákce máksit oktasaš viessoláigguid dakkár orrunvisttiin Troanddimis. Doarjja juolluduvvo dárbbu árvvoštallama vuođul.