Vuovdepolitihkka galgá leat buori ja ceavzilis resursahálddašeami vuođđun. Ráđđehus áigu lágidit nu, ahte árvobuvttadeapmi galgá buoriduvvot vuvddiin ja mehciin doaibmabijuiguin main muorraávdnasat válmmastuvvojit, ja maiddái bioenergiija ja eará buktagat ja bálvalusatge mat gullet vuovde- ja meahccedollui. Vuovdi addá dehálaš buriid dálkkádatdillái ja sáhttá leat veahkkin midjiide čoavdit dehálaš birasáššiid.
Dehálaš ulbmilsuorggit leat eambbo bioenergiija geavaheapmi ja eambbo muorraávdnasiid geavaheapmi go energiijagáibideaddji ávdnasiid geavaheapmi.
Vuovdepolitihkka deattuha vuovdeeaiggáda friddjavuođa dakkárin masa maiddái gullá ovddasvástádus. Lágat ja njuolggadusat bidjet seammás čielga gáibádussan ahte vuovde-hálddašeapmái gullá oassin geatnegasvuohta váldit vára birrasis.
