Sámegiella vuosttašgiellan: bagadeaddji nationála gelbbolašvuođa olahusa dovdomearkkat loahppaárvvoštallamii 10. jahkeceahki maŋŋel Gelbbolašvuođa olahusa dovdomearkkat válddahit gelbbolašvuođa kvalitehta fágas. Dovdomearkkat leat hábmejuvvon fága váldoosiid rastá ja oahppoplána gelbbolašvuođamihttomeriid vuođul. Dan dihte ferte dovdomearkkaid geavahit ovttas oahppoplánain. Gelbbolašvuođa olahusa dovdomearkkat leat jurddašuvvon veahkkin go galgá árvvoštallat oahppi ollislaš gelbbolašvuođa fágas. Loahppaárvosátni galgá albmanahttit dan gelbbolašvuođa mii oahppis lea fágas go oahpahus loahpahuvvo. Dovdomearkkat leat hábmejuvvon dainna lágiin ahte galgá sáhttit heivehit ja konkretiseret. Sáhtát lohkat eambbo árvvoštallama birra Oahpahusdirektoráhta siidduin: www.udir.no/Vurdering/Standpunktvurdering-i-fag/ Dovdomearkkat leat juhkkojuvvon guovtti oassái: sámegiella vuosttašgiellan njálmmálaš ja sámegiella vuosttašgiellan čálalaš. Váldooassi giella, kultuvra ja girjjálašvuohta lea mielde goappaš osiin. Dovdomearkkat leat hábmejuvvon golmma dásis. Tabealla ferte lohkat horisontálalaččat oaidnin dihte progrešuvnna daid iešguđet dásiid gaskka ja vertikálalaččat oaidnin dihte oahppi ollislaš gelbbolašvuođa. SÁMEGIELLA VUOSTTAŠGIELLAN - NJÁLMMÁLAŠ Árvosátni 2 Oahppi... - bájuha muhtin muddui máhtu, muitala ja albmanahttá iežas oaiviliid teavsttaid ja muhtin fágalaš fáttaid birra iešguđet njálmmálaš gulahallamiin - bájuha teavsttaid váldosisdoalu, muitala hámi ja čilge oahpes váikkuhangaskaomiid mo dat váikkuhit lohkkái - guldala ja oassálastá muhtin muddui ságastallamiin ja digaštallamiin ja albmanahttá iežas oaiviliid - addá máhcaheami earáide ja vuođušta muhtin muddui iežas oaiviliid iežas ja earáid bargguid birra muhtin fágalaš eavttuid vuođul - ovdanbuktá muhtun fágaáššiid maid lea muhtin muddui heivehan vuostáiváldiide ja máhttá geavahit muhtin digitála reaidduid ovdanbuktimis - gávdná dieđuid muhtin gálduin ja bájuha daid - geavaha áddehahtti giela ja muhtin dábálaš grammáhtalaš doahpagiid ja doahpagiid teakstamáhtus gulahallandilálašvuođain maidda lea ráhkkanan Árvosátni 3 ja 4 Oahppi... - čájeha máhtu, čilge ja reflektere teavsttaid ja fágalaš fáttáid birra iešguđet njálmmálaš gulahallamiin - bájuha sisdoalu ja buohtastahttá ja reflektere muhtin beliid teavsttain, selveha muhtin váikkuhangaskaomiid ja vuođušta oaiviliiddis dan birra mo dat váikkuhit lohkkái - guldala ja oassálastá ságastallamiin ja digaštallamiin ja vuođušta oaiviliiddis ja ovdandivvu muhtin áššáigullevaš dieđuid - addá vuođuštuvvon máhcaheami earáide ja árvvoštallá beliid iežas ja earáid bargguin fágalaš eavttuid vuođul - ovdanbuktá máŋggabealálaš fágaáššiid maid lea heivehan vuostáiváldiide ja sisdollui ja máhttá geavahit iešguđet lágan digitála reaidduid ja mediaid - gávdná ja geavaha relevánta dieđuid iešguđet gálduin, ja vuođušta gáldoválljema - geavaha girjás giela ja muhtin dábálaš doahpagiid grammatihkas ja teakstamáhtus iešguđet gulahallandilálašvuođain Árvosátni 5 ja 6 Oahppi... - geavaha áššáigullevaš máhtu, čiekŋuda, reflektere ja bargá iešheanalaččat teavsttaiguin ja fágalaš fáttáiguin máŋggabealálaš gulahallamiin - bájuha sisdoalu, guorahallá, dulko ja buohtastahttá teavsttaid iešguđetge perspektiivvas ja selveha váikkuhangaskaomiid geavaheami ja guorahallá mo dat váikkuhit lohkkái - guldala kritihkalaččat ja oassálastá ságastallamiin ja digaštallamiin, vuođušta oaiviliiddis áššáigullevaš dieđuiguin ja ákkastallá áššálaččat - addá konstruktiivvalaš máhcaheami earáide ja árvvoštallá iežas ja earáid bargguid fágalaš eavttuid ja teaksta- ja giellamáhtu vuođul - ovdanbuktá relevánta ja máŋggabealálaš fágaáššiid struktuvrralaččat ja iešheanalaččat, heivehuvvon sisdollui, dillái, vuostáiváldiide ja mediaide, ja máhttá geavahit digitála reaidduid ja mediaid mat heivejit fágaáššiid ovdandivvumii - gávdná, guorahallá ja geavaha relevánta dieđuid ulbmillaččat ja kritihkalaččat ja vuođušta gáldoválljema - geavaha dárkilis giela ja hálddaša doahpagiid grammatihkas ja teakstamáhtus iešguđet gulahallandilálašvuođain SÁMEGIELLA VUOSTTAŠGIELLAN - ČÁLALAŠ Árvosátni 2 Oahppi... - hábme teavsttaid mat muhtin muddui leat heivehuvvon ulbmilii ja rievdada iežas teavsttaid máhcahemiid ja eavttuid vuođul - lohká ja bájuha teavsttaid váldosisdoalu ja muitala váldofáttá muhtin šáŋŋeriid teavsttain, čujuha muhtin vejolaš dulkomiidda - čállá iešguđetlágan teavsttaid main lea muhtin muddui struktuvra ja leat muhtin muddui heivehuvvon ulbmilii, vuostáiváldái ja mediai ja albmanahttá iežas oaiviliid, dovdá ja geavaha muhtin váikkuhangaskaomiid - gávdná ja sitere gálduid ja čujuha muhtin muddui gálduide maid geavaha ja ráhkada eaŋkilis gáldolisttu - albmanahttá čálalaččat ovttageardánis cealkkahuksehusain ja teakstačatnamiin ja hálddaša muhtin muddui ortografiija ja čállinnjuolggadusaid Árvosátni 3 ja 4 Oahppi... - pláne ja hábme teavsttaid mat leat heivehuvvon ulbmilii , hukse sisdoalu ja rievdada iežas teavsttaid máhcahemiid ja eavttuid vuođul - lohká iešguđetgelágan šáŋŋeriid ja bájuha sisdoalu, čilge ja guorahallá teavsttaid fáttáid, gaskkusta muhtin vejolaš dulkomiid - čállá iešguđetlágan teavsttaid main lea buori muddui struktuvra ja leat heivehuvvon ulbmilii, vuostáiváldái ja mediai, ovdanbuktá muhtin ákkaid ja čilge iežas oaiviliid iešguđetgelágan teavsttain ja fáttáin, dovdá ja geavaha dábáleamos váikkuhangaskaomiid - referere ja sitere gálduid ja máhttá muhtin muddui siskkildit dieđuid iežas teavsttain, maid sáhttá dárkkistit ja ráhkada gáldolisttu - albmanahttá čálalaččat heivvolaš cealkkahuksehusain, teakstačatnamiin ja dárkilis sátneriggodagain ja hálddaša deháleamos ortografiija ja hápmeoahpa Árvosátni 5 ja 6 Oahppi... - pláne ja hábme teavsttaid mat leat heivehuvvon ulbmilii, ovdánahttá sisdoalu, árvvoštallá ja rievdadallá iežas teavsttaid giella- ja teakstamáhtu ja máhcahemiid ja eavttuid vuođul - lohká, iešguđetgelágan šáŋŋeriid, bájuha sisdoalu, gávdná ja geavaha áššáigullevaš dieđuid teavsttain, čielggada ja guorahallá iešheanalaččat teavsttaid fáttáid ja gaskkusta vejolaš dulkomiid - čállá iešguđetlágan teavsttaid main lea buorre struktuvra ja mat leat čielgasit heivehuvvon ulbmilii, vuostáiváldái ja mediai, vuođušta oaiviliid ulbmilaččat ja kritihkalaččat ja geavaha heivvolaš váikkuhangaskaomiid - geavaha relevánta gálduid ulbmillaččat ja kritihkalaččat, ja earuha siskkildeami, refererema ja siterema čállosis, nu ahte lea vejolaš dárkkistit gálduid ja ráhkada ollislaš gáldolisttu - albmanahttá čálalaččat deaivilis ja dárkilis sátneriggodagain ja hálddaša máŋggabealat cealkkahuksehusa ja iešguđetlágan teakstačatnanhámiid ja hálddaša ortografiija, giellaoahpa ja čállinnjuolggadusaid