Davvisámegiela giellajuogus doalai čoahkkima Gironis 10.-11.12.2015 Ruoŧa Sámedikki doaibmaviesus. Čoahkkimis ledje mielde Ruoŧa beale lahtut Marit Anne Allas, gii doaimmai čoahkkinjođiheaddjin ja Helena Omma, Norgga beale lahtut Rávdná Turi Henriksen ja Berit Anne Baal Bals ja Suoma beale lahtut Kare Vuolab-Lohi ja Aslak Nils Valle.
Davvisámegiela giellajuhkosa čoahkkin Gironis.
Govven: Mika Saijets
Giellajuogus gieđahalai čoahkkimisttis Riektačállinrávvagat-girjji, man Norgga Sámediggi lea dahkan 2015.
Giellajuogus mearridii čuovvovačča:
Sámi Giellagáldu davvisámegiela giellajuogus lea guorahallan Riektačállinrávagirjji ja buktán rievdadanárvalusaid. Ášši sáddejuvvo ruovttoluotta Norgga Sámediggái. Riektačállinrávagirji dohkkehuvvo dasto go giellajuhkosa rávvagat leat váldon vuhtii.
Sámi Giellagáldu hálddahus dárkkista divodemiid ja buktá giellajuhkosii dohkkeheapmái.
Čoahkkinjođiheaddji Anne Maria Allas.
Govven: Mika Saijets
Čoahkkima beavdegirji sáhttá lohkat das: Beavdegirji 10.-11.12.2015 Giron. Dat gávdno maiddá Beavdegirjjit/ Davvisámegiella –siiddus.
