Sámi Giellagáldu davvisámegiela giellajuogus lea dohkkehan čuovvovaš tearbmalisttuid jagi 2013 áigge:
– Davvisámegiela loddenamahusat, oktiibuot 965 tearpma. Dán listtus leat Eurohpá eanaš loddešlájaid namahusat davvisámegillii. Listtu leaba čoaggán Magne Husby ja Per M. Vars. Loddenamahusat gávdnojit maiddái www.birdid.no.
– Dihtortearpmat, oktiibuot 8 tearpma. Dáid sániid lea Sámi Giellagáldu čohkken.
– 7 ođđa tearpma. Sámi Giellagáldu oažžu Facebook- siiddu ja e-poastta bokte gažaldagaid sierra suorggi sániin, maidda eat leat tearpmat davvisámegielas.
– Deanu gieldda ja Giella giella foruma web-tearpmat, oktiibuot 21 tearpma.
Deanu gielda ja Giella giella forum álggahedje tearbmabarggu 2007:s Bálvalusválddahustearpmat –prošeavttain. Web tearpmat leat oassi dán prošeavttas. Giella giella forum lea sierra forum sámi giellabargiide, geat barget gielddain, giellaguovddážiin, fylkagielddain ja stáhta ásahusain sámegiela hálddašanguovllu siskkobealde Norggas. Deanu gielda ja Giella giella forum sáddejedje 2011:s web-tearpmaid dohkkeheapmái, muhto dat báhce dohkketkeahttá go ii gávdnon orgána, mii livčče dohkkehan ođđa tearpmaid. Sámi giellalávdegoddi (SGL) heaittihuvvui jagi 2011 loahpas. Sámi Giellagáldu válddii badjelasas SGL doaimmaid ođđajagimánus 2013.
Leave a Reply
You must be logged in to post a comment.