Gonagasruvdna
Norgga gonagasruvnna lea ráhkadan ruoŧa gollečeahppi Olof Wihlborg. Dan diŋgui ja mávssii Gonagas Carl Johan ieas ruvdnemii 1818:s. Dainna ruvnnain leat njeallje gonagasa ruvdnejuvvon, ja dat leama oassin guovtti sivdnádallan seremoniijain.
Go monárka jápmá, de biddjojuvvo ruvdna gisttu ala.
Hábmen
Ruvdna lea ráhkaduvvon sojahuvvon gollestoalppuin. Gávcci sojahuvvon, hervejuvvon gollestoalppu leat sojahuvvon ruvdnorieggás bajás ja suddet oktii gasku ruvnno alde, alit emálje jorbba vuolde, mii lea hervejuvvon gollenásttiiguin ja bearralbáttiin. Emáljejorbba alde lea ruossa mas leat guhtta ametystta. Njeallje dain sojahuvvon gollestoalppuin lea duolbasat ja leat hábmejuvvon golle áikalasttaiguin. Ja dan njealji eará stolpui leat čuhppojuvvon lasttat.
Gasku ruvnno ovddabealde lea stuora ruoná turmalin geađgi mii galgá leat addojuvvon skeaŋkan gonagassii brasiilla konsulas Stockholmas.
Purpurrukses fløyelsruvdnavuođđu lea hervejuvvon smávva ruvnnuiguin ja 50 bearraliin.
Materiálat
Ruvdna lea ráhkaduvvon 20 karat gollis, bearraliiguin ja ieguđetlágan edelgeđggiiguin: Ametyst, granat, opal, peridot, krysopras, topas, turmalin, safir ja smaragd.
Allodat: 24,5 cm
Diamettar: 18,5 cm
Deaddu: 1500 g.