Vuoiddadančoarvi
Dat árbevierru ahte vuoiddadit gonagasaid boahtá Gaskanuortan ja lea vuolgán Boares testameanttas. Seremoniija govvida ahte gonagas lea Ipmilis válljejuvvon ovddasteaddji.
Historjjálaččat lei nui ahte son gii galggai ruvdnejuvvot, galggai vuoiddaduvvot basuhuvvon olljuin. Su gállu, raddi ja giehtalađđasat galge vuoiddaduvvot. Dát seremoniija lei ruvdnendilálavuođa deháleamos oassi, danin go de oaččui monárka Bassi Vuoiŋŋa fámu guoddit gonagasnoađi.
Norgga vuoiddadančoarvvi lea ráhkadan Adolf Zethelius Stockholmas 1818:s. Dat lei anus maŋemus geardde Gonagas Haakon ja Dronnet Maud ruvdnemis 1906.
Hábmen
Vuoiddadanruvdno lea ráhkaduvvon gellehuvvon silbbas. Das lea empirestiilla álkis hápmi ja das leat unnán, muhto fiinna hervemat. Lohkis lea nađđa mii lea hábmejuvvon dego áikaniehtti, ja čoarvenjunis lea gonagasruvdna hearvan.
Allodat: 12,5 cm
Deaddu: 164 g.